دارحان كالەتاەۆ قوعامدىق دامۋ ءمينيسترى بولىپ تاعايىندالدى

"دارحان امان ۇلى كالەتاەۆ قازاقستان رەسپۋبليكاسىنىڭ قوعامدىق دامۋ ءمينيسترى بولىپ تاعايىندالسىن, ول قازاقستان رەسپۋبليكاسىنىڭ ءدىن ىستەرى جانە ازاماتتىق قوعام ءمينيسترى قىزمەتىنەن بوساتىلسىن", - دەلىنگەن اقوردانىڭ حابارلاماسىندا.

دارحان امان ۇلى كالەتاەۆ 1972 جىلى شىعىس قازاقستان وبلىسى تارباعاتاي اۋدانى تۇعىل كەنتىندە دۇنيەگە كەلگەن. 

تاريحشى, ساياساتتانۋ عىلىمدارىنىڭ دوكتورى.

1994 جىلى شىعىس قازاقستان مەملەكەتتىك ۋنيۆەرسيتەتىن تاريحشى ماماندىعى بويىنشا ءبىتىردى.

1996-1997 جىلى قر پرەزيدەنتى جانىنداعى مەملەكەتتىك باسقارۋ ۇلتتىق جوعارى مەكتەبىن بىتىرگەن. "سوتسيالنو-پوليتيچەسكايا كونسوليداتسيا كازاحستانسكوگو نارودا دەگەن تاقىرىپتا دوكتورلىق ديسسەرتاتسيا قورعادى. جاستار ءومىرى جانە ولاردىڭ ساياسي-الەۋمەتتىك ماسەلەلەرى جايىندا جازىلعان كىتاپتاردىڭ (مىسالى, "مولودەج كازاحستانا نا پوروگە ءححى ۆەكا", 2000; "ۆوزمەمسيا زا رۋكي, درۋزيا!", 2001; تەلەاۆت.) اۆتورى.

2018 جىلدىڭ 4 ساۋىرىندە دارحان كالەتاەۆ ءدىن ىستەرى جانە ازاماتتىق قوعام ءمينيسترى بولىپ تاعايىندالعان ەدى.