اقتوبەلىك اۆتوكەرۋەن استاناعا جەتتى

مۇنىڭ سىرتىندا «20 يگى ءىس» دەگەن تاقىرىپپەن وتكى­زىل­گەن قايى­رىم­دى­لىق شارا­لارى جاسى ۇلعايعان جا­نە مۇم­­­كىندىگى شەكتەۋلى جاندار­­عا, تابىسى از كوپ بالالى وتباسىلارعا مورالدىق جا­نە ماتەريالدىق تۇرعىدان قول­داۋ كور­سەتۋگە باعىتتالدى. دەگەن­مەن, «بۇل ءان بۇرىنعى ان­نەن وزگەرەك» دەگەن­دەي, «قۇت­­تى مەكەن اقتوبەدەن – اراي­­لى استاناعا» دەگەن تاقى­رىپ­پەن ۇيىم­داستى­رىل­عان اۆتو­كەرۋەننىڭ ور­نى دا, جولى دا بولەك بولدى دەپ اي­تۋعا تولىق نەگىز بار. 

اتالعان اۆتوكەرۋەن ءوزى­نىڭ باعىتىن 25 ماۋسىم كۇنى قىزىلورداعا قاراي بۇر­عان ەدى. ونىڭ قۇرامىنداعى قو­عام, ما­دەنيەت پەن ونەر قاي­رات­­كەرلەرى, عا­لىمدار مەن جاس­تار وكىلدەرى ءبىر اپ­تا بويى ەل-جۇرتپەن ەمەن-جارقىن پىكىر الىسىپ, استانانىڭ ابىرويىن اسقاقتاتتى. ولار قىزىلوردا, تۇر­­كىس­تان, جامبىل, قارا­عاندى وب­لىس­تا­رى­نىڭ ورتا­لىق­­تارىندا جانە ال­ما­تى مەن جامبىل قالالارىندا بول­عان كەزدەسۋلەردە ەلىمىزدىڭ جۇرەگى اس­تا­نا تۋرالى تارتىمدى اڭگىمەلەر ءور­بى­تتى. 

استانا تۇتاستاي ەل وڭىر­لە­رىنىڭ ءوسىپ-وركەندەۋىنە باستى تەمىرقازىق بو­لا الاتىنى جونىندە ورەلى وي-پىكىر­لەر دە ساباقتالدى. استاناعا قا­راپ وي تۇزەۋ دە, استاناعا قاراپ بوي تۇ­زەۋ دە جاستارعا ابدەن جاراسا­دى. سون­دىقتان دا اۆتوكەرۋەن قۇرامىندا جاس­تاردىڭ كوبىرەك بولۋىنا كوڭىل ءبولىندى. بۇل تۋرالى اتالعان ءماندى دە ماڭىزدى ما­دەني-كوپشىلىك شارانىڭ باسى-قاسىندا جۇرگەن اقتو­بە وبلىستىق ما­دەنيەت, ار­حيۆ­تەر جانە قۇجاتتاما باس­­قار­ماسىنىڭ باسشىسى مار­جان قورعانباەۆا ايتىپ بەردى.

اۆتوكەرۋەن اتالعان ۋاقىت ارا­لى­عىندا ەلىمىزدىڭ 11 ەلدى­مەكەنىندە بو­لىپ, ەل-جۇرت پەن استانا ارا­سىن­داعى بايلانىستار مەن قارىم-قا­تى­ناستاردىڭ جاقىنداي تۇسۋىنە جانە تۇر­عىندار اراسىندا استاناعا دەگەن سۇيىسپەنشىلىك سەزىم مەن ماحابباتتىڭ ورنى­عۋىنا العىشارت جاساي العانى ونىڭ العا قويعان باس­تى ماق­سا­تىنىڭ ورىن­دال­عا­نىن كور­سە­تەدى. قىسقاسى, اقتوبە­دەن ەلورداعا باعىت ۇستاعان اۆتو­كە­رۋەن 5170 شاقىرىم جو­لىن ارتقا تاستاپ, شىلدەنىڭ العاش­قى كۇنىندە استانا قالا­سى­نا جەتتى. سول كۇنى اقتوبەلىك ونەر شەبەرلەرى ەلوردانىڭ تورىندە ۇلكەن مەرەكەلىك كونتسەرت قويدى.

تەمىر قۇسايىن, «ەگەمەن قازاقستان» 

اقتوبە