استانانىڭ 10 جىلدىق مەرەيتويىنا بايلانىستى پارلامەنت «قازاقستان رەسپۋبليكاسىنىڭ مەرەكەلەر تۋرالى» قازاقستان رەسپۋبليكاسىنداعى زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قابىلداپ, بۇعان دەيىن 10 ماۋسىمدا تويلانىپ كەلگەن قالا كۇنى داتاسىن اۋىستىرىپ, بۇدان بىلاي «6 شىلدە – استانا كۇنى» مەملەكەتتىك مەرەكە بولىپ بەكىتىلدى. مۇنىڭ سىرتىندا وسى جىلى استانادا ەكى بىردەي حالىقارالىق بەدەلدى ساياسي شارا – ەقىۇ پارلامەنتارالىق اسسامبلەياسى مەن تمد قالالارىنىڭ حالىقارالىق اسسوتسياتسياسىنىڭ سەسسياسى ءوتتى.
1 اقپان – قازاقستان رەسپۋبليكاسىنىڭ قورعانىس مينيسترلىگى مەن اقش قورعانىس مينيسترلىگى اراسىندا 2008-2012 جىلدارعا ارنالعان بەس جىلدىق ءوزارا تۇسىنىستىك تۋرالى كەلىسىمگە قول قويىلدى.
21 اقپان – استانا كوشەلەرى مەن داڭعىلدارىنا جاڭادان اتاۋ بەرۋ, قايتا اتاۋ نەمەسە بىرىكتىرىپ اتاۋ تۋرالى شەشىم قابىلداندى. وسىعان وراي, كەشەگى كەڭەس داۋىرىنەن قالعان توتاليتارلىق اتاۋلار وزگەرتىلىپ, وعان قوسا جاڭادان بوي كوتەرگەن اۋداندار مەن كوشەلەرگە زامانعا ساي جاڭادان 309 اتاۋ بەرىلدى.
21 ناۋرىز – ەلوردادا «استانا-بايتەرەك» كلۋبىنىڭ قولداۋىمەن «دەلوۆوي مير» جۋرنالى باستاماشى بولعان «استانا – مەنىڭ تاعدىرىم» اتتى جوبانىڭ تۇساۋى كەسىلدى.
16 ءساۋىر – بىشكەك–استانا–بىشكەك باعىتىنداعى اۋە رەيسى اشىلدى.
6 مامىر – استانا قالاسىنىڭ 10 جىلدىق مەرەيتويى قارساڭىندا ەلوردانىڭ دامۋى مەن قالىپتاسۋىنا ەلەۋلى ۇلەس قوسقان قازاقستان رەسپۋبليكاسى ازاماتتارى مەن شەتەلدىك تۇلعالار ماراپاتتالاتىن «استانانىڭ 10 جىلدىعى» مەدالى تاعايىندالدى.
1 شىلدە – استانا قالاسىندا ءبىر مەزگىلدە 500 ادامعا قىزمەت كورسەتە الاتىن مەديتسينالىق نىسان – دياگنوستيكالىق ورتالىق اشىلدى.
1 شىلدە – استانا قالاسىنىڭ 10 جىلدىق مەرەيتويىنا تارتۋ رەتىندە الماتى وبلىسى اتىنان اقبۇلاق ارناسىنىڭ بويىندا جامبىل اقىننىڭ بيىكتىگى 11 مەترلىك ەسكەرتكىشى ورناتىلدى. ءمۇسىن اۆتورلارى – نۇرلان دالباي مەن قازىبەك جارىلعاپوۆ.
1 شىلدە – استانالىق ساياباقتا «مىڭجىلدىقتار توعىسىنداعى استانا» اتتى كوشپەلى وركەنيەت فەستيۆالى اشىلدى. بۇكىل تۇركى دۇنيەسىنىڭ عاجايىپتارىنان سىر شەرتەتىن بۇل شارا استانالىقتار مەن قالا قوناقتارىنىڭ ەرەكشە ىقىلاسىنا يە بولدى.
2 شىلدە – قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ اقوردا مەن بەيبىتشىلىك جانە كەلىسىم سارايى اراسىن جالعاپ جاتقان پرەزيدەنتتىك ساياباقتىڭ اشىلۋىنا قاتىستى.
2 شىلدە – استانا قالاسىنداعى ب.مومىش ۇلى داڭعىلىنىڭ بويىندا اتى اڭىزعا اينالعان باتىر باۋىرجان مومىش ۇلىنىڭ ەڭسەلى ەسكەرتكىشى ورناتىلدى.
2 شىلدە – استانا قالاسىندا ەلباسىنىڭ تاپسىرماسىمەن ىرگەسى قالانعان قازاق گۋمانيتارلىق زاڭ ۋنيۆەرسيتەتىنىڭ جاڭا عىلىمي-وقىتۋ كەشەنى عيماراتى اشىلدى.
3 شىلدە – ەلوردانىڭ 10 جىلدىق مەرەيتويىنا تارتۋ رەتىندە اقتوبە وبلىسى اتىنان قازاقتىڭ باتىر قىزى ءاليا مولداعۇلوۆاعا ارنالعان ء«اليا» مەموريالدىق كەشەنى اشىلدى.
3 شىلدە – استانانىڭ 10 جىلدىعىنا تارتۋ رەتىندە قىزىلوردا وبلىسى سىيعا تارتقان «قورقىت قوبىزى» اتتى ءمۇسىن كومپوزيتسياسىنىڭ ء(ۋاليحانوۆ جانە وماروۆ كوشەلەرى قيىلىسى) اشىلۋى بولدى.
3 شىلدە – رەسپۋبليكا داڭعىلى مەن باراەۆ, تاشەنوۆ كوشەلەرىنىڭ قيىلىسىن وراي سالىنعان جولايرىق پايدالانۋعا بەرىلدى. جالپى اۋماعى 12,6 گەكتار جەردى الىپ جاتقان بۇل قۇرىلىس نىسانىنا 9 ميلليارد تەڭگە جۇمسالعان.
30 شىلدە – استانا–ششۋچە اۆتوبانى ىسكە قوسىلدى. اۆتوجول ۇزىندىعى – 224 شاقىرىم. جوبانىڭ جالپى قۇنى 115 ميلليارد تەڭگە. 5 تامىز – قازاقستان رەسپۋبليكاسى پرەزيدەنتىنىڭ جارلىعىمەن استانادا جاڭادان ەسىل اۋدانى قۇرىلدى. اۋداننىڭ جالپى اۋماعى – 31,2 مىڭ گەكتار. جاڭا اۋدانعا پريگورودنىي, كومسومول, زارەچنىي, يلينكا, تەلمان كەنتتەرى كىردى.
29 تامىز – استانادا «Appie City Food» ەت وڭدەۋ زاۋىتى ىسكە قوسىلدى. كۇنىنە 15 توننا ەت وندىرە الاتىن بۇل زاۋىتتىڭ قۇرىلىسى مەن جابدىقتارىنا 31 ميلليون دوللار جۇمسالىپ, زاۋىت حالىقارالىق ستاندارتتارعا ساي ءونىم وندىرە باستادى.
17 قازان – استاناداعى بەيبىتشىلىك جانە كەلىسىم سارايىندا ەلباسى نۇرسۇلتان نازارباەۆتىڭ قاتىسۋىمەن «ورتاق الەم: ارالۋاندىلىق ارقىلى ىلگەرىلەۋ» اتتى فورۋم باستالدى.
30 جەلتوقسان – ەلباسى نۇرسۇلتان نازارباەۆ اقوردادا بەيجىڭ قالاسىندا وتكەن ءححىح جازعى وليمپيا ويىندارىندا جەڭىمپاز جانە جۇلدەگەر اتانعان قازاقستاندىق سپورتشىلاردى قابىلدادى.
دايىنداعان
بەكەن قايرات ۇلى,
«ەگەمەن قازاقستان»