استاناداعى «بارىس ارەنا» سپورت كەشەنىندە وتكەن «قازاقستان بارىسى» VIII رەسپۋبليكالىق تۋرنيرىندە ەرجان شىنكەەۆ چەمپيون اتاندى.
ەرجان شىنكەەۆ فينالدا «اسكەر بارىسى» ەراسىل قاجىباەۆتى ايقىن باسىمدىلىقپەن ۇتىپ, «قازاقستان بارىسى-2018» اتاعىنىڭ يەگەرى اتاندى. وسىلايشا قاجىباەۆ كۇمىس بەلبەۋدى ايبەك نۇعىماروۆ قولا بەلبەۋدىڭ يەگەرى اتاندى.
ايتا كەتەيىك, ەرجان شىنكەەۆ وسىعان دەيىن «قازاقستان بارىسىندا» ءبىر رەت كۇمىس بەلبەۋدى جەڭىپ العان بولاتىن. مىنە, بۇل ونىڭ اتالعان تۋرنيردەگى ەكىنشى ءىرى جەڭىسى.
وسىلايشا, ەرجان شىنكەەۆكە التىن بەلبەۋ مەن التىننان قۇيىلعان «تايتۇياق» جانە 25 ملن تەڭگە تابىستالدى. ال باپكەرى 3,5 ملن تەڭگەگە يەلىك ەتتى. ەكىنشى جانە ءۇشىنشى ورىنعا سايكەسىنشە كۇمىس جانە قولا بەلبەۋ تاپسىرىلدى. ءىىى ورىن العان بالۋانعا 1,8 ملن تەڭگە, ال ونىڭ باپكەرىنە 900 مىڭ تەڭگە تابىستالدى. ال ءىى ورىن ءۇشىن 5,5 ميلليون تەڭگە, ونىڭ باپكەرىنە 1,8 ملن تەڭگە بەرىلدى