قاراعاندى وبلىسىنداعى اقتوعاي اۋدانى تۋريزم سالاسىنان ناپاقا ىزدەگەن جانداردىڭ نازارىن وزىنە اۋدارىپ جۇرگەن جەرۇيىق مەكەننىڭ ءبىرى. تاياۋدا وسى اۋدانداعى بەكتاۋاتا باۋرايىندا تۋريستىك-ولكەتانۋشىلار ەكسپەديتسيالىق جاساقتارىنىڭ «اشىق الەم. جاس تۋريست. ءجاسوسپىرىم ىزدەۋشى» اتتى وبلىستىق فورۋمى ءوتتى.
تابيعاتى تاماشا ولكەنى ءۇش كۇن دۇبىرگە بولەگەن دۋماندى جارىسقا 20 كوماندا قاتىسىپ, 300-دەن استام ورەن باق سىنادى.
بيىلعى سايىستا جاس تۋريستەر وزدەرىنىڭ عىلىمي-زەرتتەۋ جوبالارىن قورعاپ, قىزىق پەن قيىندىققا تولى ءتۇرلى تۋريستىك مارشرۋتتاردى باعىندىردى. ەكسكۋرسيالىق باعدارلاۋ سىناعىنان ءوتىپ, بارد اندەرىنەن وتكەن ونەر بايقاۋىندا باق سىنادى. سونىمەن قاتار ساياحاتقا قۇشتار ورەندەر فورۋم قوناقتارىنا تەاترلاندىرىلعان قويىلىمداردى ساحنالاپ, ونەردەن دە قۇرالاقان ەمەستىكتەرىن بايقاتتى.
فورۋم سوڭىندا جەڭىمپازدار مەن جۇلدەگەرلەر ارنايى ديپلومدارمەن جانە كۋبوكتارمەن ماراپاتتالدى. جاس تۋريستەر سايىسىنا قاتىسقان كوماندالاردىڭ ارقايسىسىنا 1 ميلليون تەڭگەنىڭ سەرتيفيكاتتارى تابىس ەتىلدى. بۇل قاراجات ولارعا Intellektum زياتكەرلىك ويىنىن ساتىپ الۋ مۇمكىندىگىن بەرەدى.
قايرات ءابىلدا,
«ەگەمەن قازاقستان»
قاراعاندى وبلىسى,
اقتوعاي اۋدانى