اعىلشىن تورەشىسى مارتين اتكينسون رەسەيدەگى الەم چەمپيوناتىنا ۆەلوسيپەدپەن اتتانباق.
اتكينسون Whistle Stop Tour قايىرىمدىلىق جارىسىنا قاتىسادى. 47 جاستاعى تورەشى بريستولدان كالينينگرادقا دەيىنگى 2700 شاقىرىم جەردى ءجۇرىپ وتەدى. «بۇل 18 كۇننىڭ قيىن بولاتىنى انىق. بىراق قايىرىمدىلىق ءۇشىن مەن وسىعان دايىنمىن», دەيدى تورەشى.
2018 جىلعى الەم چەمپيوناتىندا بريتانيالىق تورەشىلەر جۇمىس ىستەمەيتىنىن اتاپ وتپەسكە بولماس. سەبەبى فيفا العاش رەت 1938 جىلدان بەرى ۇلىبريتانيا تورەشىلەرىن الەم بىرىنشىلىگىنە قوسقان جوق.
رەيتينگتە – ءبىرىنشىرەسەي تەننيسشىلەرى ەلەنا ۆەسنينا مەن ەكاتەرينا ماكاروۆا WTA جۇپتار رەيتينگى بويىنشا كوش باستاپ تۇر. «الەم بويىنشا ءبىرىنشىمىز! ءبىز بالا كەزدەن ارمانداعان ۇزاق جول بولدى. سۇيىكتى ىسىمىزدە ءبىرىنشى بولۋ – ۇلكەن ابىروي جانە باقىت. ءبىزدىڭ كوماندامىزعا, جاتتىقتىرۋشىلارعا, اتا-انالارعا, جانكۇيەرلەرىمىزگە قولداۋ مەن سەنىمى ءۇشىن العىس ايتامىز», دەيدى ۆەسنينا.
كەيسي – «دەترويتتىڭ» باس باپكەرىدۋەين كەيسي «دەترويت پيستونس» باسكەتبول كلۋبىنىڭ باس باپكەرى بولدى. كەلىسىمشارت 5 جىلعا جاسالدى. دۋەين وسىعان دەيىن «تورونتو رەپتورستى» جاتتىقتىرعان بولاتىن. كانادالىق كلۋبپەن بىرگە شىعىس كونفەرەنتسياسىنىڭ تۋرنيرلىك كەستەسىندە ءبىرىنشى ورىندى يەمدەنگەن. مامىر ايىندا «دەترويت» كومانداسىنىڭ باس باپكەرى ستەن ۆان گانديدى قىزمەتىنەن بوساتقان ەدى.
دايىنداعان ىرىستى قادىربەك,
ل.ن.گۋميلەۆ اتىنداعى ەۇۋ ستۋدەنتى