جەر كودەكسىنىڭ نورمالارىن ءتۇسىندىرۋ ماقساتىندا قازاقستان رەسپۋبليكاسى اۋىل شارۋاشىلىعى مينيسترلىگى, «اتامەكەن» ۇكپ ۇيىمداستىرۋىمەن قىزىلوردا وبلىستىق اكىمدىگىندە سەمينار ءوتتى.
القالى كەڭەستە ايماققا جەر زاڭناماسىنا ەنگىزىلگەن وزگەرىستەر بويىنشا ءتۇسىندىرۋ جۇمىستارىن جۇرگىزۋ ماقساتىندا كەلگەن قر اشم جەر رەسۋرستارىن باسقارۋ كوميتەتى توراعاسىنىڭ ورىنباسارى گۇلجاحان بيمەندينا, كوميتەتتىڭ جەر قاتىناستارىن جانە جەرگە ورناللاستىرۋدى دامىتۋ باسقارماسى باسشىسى جانار قارجانوۆا باياندامالار وقىدى.
جيىندا اۋىل شارۋاشىلىعى جەر ۋچاسكەلەرىن جالعا بەرۋ ينستيتۋتتارىن ساقتاۋ جانە جەتىلدىرۋ, شەكارالىق ايماقتاردا اۋىل شارۋاشىلىعى جەرلەرىن بەرۋ ءتارتىبىن كۇشەيتۋ, تۇرعىنداردىڭ جايىلىمدىق القاپتارعا دەگەن مۇقتاجىن قاناعاتتاندىرۋ, جەر ۋچاسكەلەرىن مەملەكەت مۇقتاجىنا الىناتىن ەرەكشە جاعدايلاردىڭ قاتارىنا جاتقىزۋ جانە باسقا دا وزەكتى ماسەلەلەر ايتىلدى.
باقتيار تايجان, «ەگەمەن قازاقستان»