ۇجىمدىق قاۋىپسىزدىك تۋرالى شارت ۇيىمىنا مۇشە ەلدەردىڭ وتىرىسى ءوتتى

ۇيىمعا مۇشە ەلدەردى الاڭ­داتقان زاڭسىز كوشى-قون, ەسىرتكى اينالىمىمەن كۇرەس, اقپاراتتىق جانە كيبەر­قىل­مىستارعا قارسى ءىس-قيمىل تۇر­لەرىن بىرلەسە جەتىلدىرۋ سىندى تاقىرىپتار باسقوسۋدىڭ نەگىزگى وزەگىنە اينالدى. ودان بولەك ۇيىم شەڭبەرىندە كواليتسيالىق جانە وڭىرلىك نەگىزدەگى توپتاسۋلاردى, بىتىمگەرشىلىك كۇشتەردى, قۇقىق قورعاۋ ورگاندارى مەن ارنايى قىزمەتتەردىڭ اسكەري دايىندىعىن دامىتۋ تەتىكتەرى دە جان-جاقتى تالقىلاندى. قاتىسۋ­شىلار تاراپىنان ءوزارا ىنتىماقتاستىقتى ارتتى­رىپ, جالپىعا ورتاق جۇمىستار­دى كۇش بىرىكتىرە وتىرىپ ەڭسەرۋ­دىڭ ءتيىمدى جولىن تاڭداۋ تۇر­عى­سىندا بىرقاتار ۇسىنىستار دا ايتىلماي قالعان جوق. جاھان جۇرتشىلىعىن الاڭداتىپ وتىرعان سيريا, اۋعانستان جاع­داي­لارىنا قاتىستى وي-پىكىرلەر ورتاعا تاستالىپ, عالامدىق تۇراقتىلىق پەن بەيبىتشىلىكتى ساقتاۋدا ەلىمىزدىڭ ۇستانىپ وتىر­عان ساياساتى كوپ مەملەكەتتەر­گە جارقىن ۇلگى ەكەنى ءسوز بولدى.

«قازاقستان قاي كەزدە دە حالىق­ارالىق قاۋىپسىزدىك پەن تۇراق­تىلىقتى قامتاماسىز ەتۋگە زور ءمان بەرەدى. ويتكەنى بۇل تەك ور­تالىق ازيا ءوڭىرى ءۇشىن ەمەس, دۇنيەجۇزىلىك قوعام­داس­تىق ءۇشىن وزەكتى ماسەلە مەم­لەكەت باسشىسى نۇرسۇلتان نازارباەۆتىڭ باستا­ما­سىمەن قازاقستان –الەم­دەگى يادرولىق قارۋ­دان ءوز ەركى­مەن باس تارتقان ال­عاشقى مەملەكەت. بۇگىن ءبىز وڭىرلىك قاۋىپسىزدىكتى كۇشەيتۋ, ۇجىمدىق تۇراقتىلىقتى دامىتۋ بويىنشا بىرنەشە ماڭىزدى ماسەلەنى بىرلەسە تالقىلىپ, ورتاق شەشىم­دەرگە كەلدىك. بۇل شەشىم­دەر مەم­لە­كەت­تەردىڭ اۋماقتىق تۇتاس­­تىعى مەن ەگەمەندىگىن قور­عاۋ­عا زور ىقپال ەتەدى دەپ ەسەپ­تەي­مىن», دەدى قازاقستاننىڭ سىرت­­قى ىستەر ءمينيسترى قايرات ءابدىراحمانوۆ.

قازاقستاندا ەكسترەميزم مەن تەرروريزمگە قارسى كۇرەس جوعارى دەڭگەيدە جۇرگىزىلىپ جاتقانىن مالىمدەگەن ق.ءابدىراحمانوۆ, ۇيىمعا مۇشە مەملەكەتتەر اراسىنداعى سەنىمدى سەرىكتەستىك بۇل باعىتتاعى ورتاق پروبلەمالاردى وڭتايلى شەشۋگە وڭ ىقپالىن تيگىزەتىنىن جەتكىزدى.

ارمان وكتيابر, «ەگەمەن قازاقستان»

الماتى