ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن وقىپ شىققاندا, قازاق حالقىنىڭ سان عاسىرلىق اڭساعان ارمانى, نەشە ءتۇرلى قاندى قىرعىنداردى باستان كەشىرە ءجۇرىپ, جەتسەم دەگەن ماقسات-ءۇمىتى ءتىزىلىپ كوز الدىما كەلگەندەي بولدى.
بۇل ماقالادان تۇيگەنىم – قازاق حالقىنىڭ رۋحاني قۇندىلىقتارىن قالىپقا ءتۇسىرۋ, تۇگەندەۋ, سارالاۋ, زامان تالابىن ەسكەرە وتىرىپ تۋرا جولعا قويۋ جانە دامىتۋعا ارنالعان باعدارلامالىق قۇجات دەۋگە تولىق نەگىز بار. ء«بىزدىڭ ماقساتىمىز ايقىن, باعىتىمىز بەلگىلى. ول – الەمدەگى دامىعان 30 ەلدىڭ قاتارىنا قوسىلۋ. ماقساتقا جەتۋ ءۇشىن ءبىزدىڭ سانامىز ىسىمىزدەن وزىپ ءجۇرۋى, ياعني ودان بۇرىن جاڭعىرىپ وتىرۋى ءتيىس», دەيدى ەلباسى.
بۇل رەتتە رۋحاني جاڭعىرۋدىڭ ەڭ باستى شارتى – ۇلتتىق كودىمىزدى ساقتاۋ ەكەنىن ءاردايىم ەستە ۇستاپ, الەمدىك وزگەرىستەرگە ساي جاڭاشا ويلاۋ جۇيەسىن قالىپتاستىرعانىمىز ابزال. ۇلتتىق كود دەگەنىمىز – قازاق حالقىنىڭ جاراتىلىسى, تابيعاتى, رۋحاني ءبىتىمى, ءومىر سالتى. مەنىڭ ويىمشا, قانىمىزعا سىڭگەن ۇلتتىق رۋحىمىز – نەبىر كۇيزەلىستەردەن امان الىپ كەلە جاتقان تەمىرقازىق ىسپەتتەس. رۋحاني قۇندىلىقتارىمىزدى زامانعا ساي ودان ءارى بايىتىپ, دامىتىپ, ونى بۇگىنگى ۇرپاقتىڭ ساناسى مەن تۇرمىسىنا ءسىڭىرۋ ارقىلى جاڭا عاسىردىڭ جاڭا ۇرپاعىن قالىپتاستىرۋعا اتسالىسىپ جاتقان ەل اعالارىنا العىسىم شەكسىز.
راسىندا دا, ۇلتتىق سالت-ءداستۇرىمىز, ءتىلىمىز بەن مۋزىكامىز, ادەبيەتىمىز, جورالعىلارىمىز, جالپىۇلتتىق رۋحىمىز بويىمىزدا قالۋى ءتيىس. قورىتا ايتقاندا, ۇلى تۇلعالاردىڭ قۇندىلىقتارعا تولى مۇرالارى – رۋحاني بايلىعىمىزدىڭ قاينار كوزى. بۇل بايلىقتى ۇرپاق يگىلىگى ءۇشىن پايدالانساق, ءبىزدى جارقىن بولاشاق كۇتىپ تۇرعانى ايتپاسا دا تۇسىنىكتى. بۇل جاڭعىرۋ ۇلتىمىزدى ورگە, عۇرپىمىزدى تورگە باستايدى. سوندىقتان ءاربىر جاستىڭ ساناسىندا «ۇلتتىق كودىم – مەنىڭ ۇلتتىق ماقتانىشىم» دەگەن پاتريوتتىق سەزىم بولۋى ءتيىس. ۇلتتىق جاڭعىرۋ – جاس ۇرپاقتى جاڭاشا ويلاپ, جاڭاشا ءىس ىستەۋگە ۇيرەتەرىنە سەنىمىم مول.
گۇلجاينا بەيسەنباي,
ب.مومىش ۇلى اتىنداعى
№6 مەكتەپ-گيمنازيانىڭ
10-سىنىپ وقۋشىسى
وڭتۇستىك قازاقستان وبلىسى,
ماقتاارال اۋدانى