الەمدە اۆياوتىن باعاسىنىڭ كۇرت ءوسۋى اۋە قاتىناسىنا اسەر ەتە باستادى. Air Canada اقش-قا باعىتتالعان بىرقاتار رەيستەرىن بىرنەشە ايعا قىسقارتاتىنىن مالىمدەدى, دەپ جازادى Egemen.kz.
FOX Business مالىمەتىنشە, اتالعان اۋە كومپانياسىنىڭ حابارلاعانىنداي, شەكتەۋلەر وسى جازدان باستاپ ەنگىزىلىپ, كەم دەگەندە 5 ايعا سوزىلادى. وزگەرىستەر دجون كەننەدي اتىنداعى حالىقارالىق اۋەجاي (JFK) جانە سولت-لەيك-سيتي حالىقارالىق اۋەجايى (SLC) باعىتتارىنا قاتىستى.
كومپانيا وكىلدەرىنىڭ ايتۋىنشا, يرانداعى قاقتىعىس باستالعالى اۆياوتىن باعاسى 2 ەسەگە جۋىق قىمباتتاعان, بۇل ەكونوميكالىق تۇرعىدان ءتيىمسىز باعىتتارعا تىكەلەي اسەر ەتكەن. سوعان بايلانىستى ۇشۋ كەستەسىنە وزگەرىستەر ەنگىزىلىپ, كەيبىر رەيستەر توقتاتىلعان.
دەگەنمەن, Air Canada بۇل شارالار 2026 جىلعى جالپى جىلدىق تاسىمالدىڭ شامامەن 1%-ىنا عانا اسەر ەتەتىنىن اتاپ ءوتتى.
اۆياوتىن نارىعىندا دەلدالدار ازايدى
Airlines for America دەرەگىنشە, اۆياوتىن باعاسى ءبىر باررەل ءۇشىن 3,79 دوللارعا دەيىن كوتەرىلگەن, بۇل يرانداعى جاعدايعا دەيىنگى كورسەتكىشتەن 50%-دان استام جوعارى.
وتىن قۇنىنىڭ ءوسۋى اقش-تاعى وزگە اۋە تاسىمالداۋشىلارعا دا اسەر ەتتى. اتاپ ايتقاندا, JetBlue, Southwest Airlines, American Airlines جانە United Airlines كومپانيالارى شىعىندى ازايتۋ ءۇشىن تىركەلگەن جۇك تاسىمالىنىڭ باعاسىن كوتەرۋگە ءماجبۇر بولدى.
ساراپشىلاردىڭ پىكىرىنشە, وتىن باعاسىنىڭ قىمباتتاۋى اۋە نارىعىنداعى تاريفتەر مەن باعىتتار سانىنا الداعى ۋاقىتتا دا اسەر ەتۋى مۇمكىن.
ورال اۋەجايى اۆياوتىندى ءارتۇرلى باعامەن ساتىپ كەلگەن