پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى داريعا نازارباەۆا سلوۆەنيا سىرتقى ىستەر مينيسترلىگىنىڭ مەملەكەتتىك حاتشىسى يزتوك ميروشيچپەن كەزدەستى.
ي. ميروشيچ استانادا اياقتالعان ساۋدا-ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ قورىتىندىلارى, ءبىلىم بەرۋ, كيبەر قاۋىپسىزدىك جانە باسقا سالالار بويىنشا قول جەتكەن كەلىسىمدەر تۋرالى اڭگىمەلەدى. ء«بىز بۇدان بىلايعى ناتيجەلى ىنتىماقتاستىق ءۇشىن بەرىك قۇقىقتىق نەگىزدەردى قالىپتاستىرعىمىز كەلەدى», - دەدى ول.
سلوۆەنيا ءسىم مەملەكەتتىك حاتشىسى ءوز ەلىندەگى ىشكى ساياسي جانە ەكونوميكالىق جاعداي تۋرالى سەناتوردى حاباردار ەتىپ, بيىل سلوۆەنيانىڭ ەكونوميكالىق ءوسىمى 5 پايىزدى قۇراعانىن اتاپ ءوتتى. بۇل كورسەتكىش بويىنشا ول ەل ەۋروپالىق وداقتا ەكىنشى ورىن الادى ەكەن. سلوۆەنيا يننوۆاتسيا, تەلەكوممۋنيكاتسيا, اقپارات سالالارى مەن بلوكچەين تەحنولوگيا نەگىزىندەگى ۇزدىك ستارتاپ جونىندەگى تاجىريبەلەرىمەن بولىسۋگە ءازىر.
د.نازارباەۆا ەۋرازيالىق ەكونوميكالىق وداقتىڭ قۇرىلۋىنا بايلانىستى جاڭا مۇمكىندىكتەر تۋرالى ايتا كەلىپ, سلوۆەنيالىق ارىپتەستەرگە قازاقستاندا ەاەو نارىقتارى مەن ورتالىق ازيا جانە قىتايعا شىعاتىن جوعارى تەحنولوگيالىق بىرلەسكەن كاسىپورىندار قۇرۋدى ۇسىندى.
سلوۆەنيا پارلامەنتىمەن ىنتىماقتاستىق جونىندەگى سەنات كوميتەتىنىڭ جەتەكشىسى د.نازارباەۆا پارلامەنتارالىق ۇنقاتىسۋدى نىعايتۋ قاجەتتىگىن اتاپ ءوتتى جانە سلوۆەنيالىق ارىپتەستەردى قازاقستانعا ساپارلاپ كەلۋگە شاقىردى.
تاراپتار تۋريستىك سالاداعى ىنتىماقتاستىقتىڭ كەلەشەگىن دە تالقىلادى. سلوۆەنيا ازاماتتارى ءۇشىن «Silk viza» ەنگىزىلۋىنە بايلانىستى ورتالىق ازيادا جاڭا تۋريستىك باعدارلار اشىلاتىن بولادى, «Silk viza» تۋرالى د.نازارباەۆا بۇرناعى كۇنى وزبەك ارىپتەستەرمەن كەزدەسۋدە ايتقان بولاتىن. قازاقستان ازاماتتارى ءۇشىن سلوۆەنيادا كەڭىنەن قانات جايعان ۆەلوسيپەد ءتۋريزمىن دامىتۋ تاجىريبەسى قىزىقتى بولارى ءسوزسىز.