جاقىندا استانادا «رۋحاني جاڭعىرۋ» باعدارلاماسى اياسىندا مادەنيەت جانە ونەر سالاسى ۇيىمدارى مەن قىزمەتكەرلەرىنىڭ «رۋحاني قازىنا» اتتى فەستيۆالى وتكەن بولاتىن.
وسى فەستيۆال شەڭبەرىندە مادەنيەت جانە سپورت مينيسترلىگى ۇيىمداستىرعان «رۋحاني قازىنا» بايقاۋىنىڭ قورىتىندىسىندا وسكەمەندەگى ا.پۋشكين اتىنداعى وبلىستىق كىتاپحانا رەسپۋبليكامىزداعى وبلىستىق ماڭىزى بار ۇزدىك مەملەكەتتىك كىتاپحانا دەپ تانىلىپ, ارنايى ديپلوممەن بىرگە 1 000 000 تەڭگە جۇلدەنى يەلەندى.
وبلىس ورتالىعىنداعى بۇل كىتاپحانادا وقىرماندارعا عانا ەمەس, قالانىڭ كەز كەلگەن تۇرعىنىنا قوسىمشا ءبىلىم الۋعا, ءتىل ۇيرەنۋگە, جاڭا تەحنولوگيالاردى مەڭگەرۋگە بارلىق جاعداي جاسالعان. ءتىپتى ءبىر مەزەت بوي جازىپ, سپورتپەن دە شۇعىلدانۋعا بولادى. ء«بىز وزگەرىسپەن بىرگە ءجۇرۋىمىز كەرەك. ۋاقىتتان قالماۋىمىز قاجەت. كىتاپحانا كىشكەنە بالالاردان باستاپ قاريالارعا دەيىن قىزمەت كورسەتۋى ءتيىس. ءبىزدىڭ كىتاپحانا ءبىرىنشى كەزەكتە جاڭا تەحنولوگيالارعا ەرەكشە ءمان بەرەدى. 3 D پرينتەرىمىز بار.
بىزدە بارلىعى اۆتوماتتاندىرىلعان. وقىرمان كىتاپتى ءوزى تاڭداپ, ءوزى الادى. كىتاپحاناشىلار تەك كەڭەس بەرەدى. اعىلشىن ءتىلىن ۇيرەتۋگە دە نازار اۋدارامىز. الەۋمەتتىك جاعدايى تومەن وتباسىلاردىڭ بالالارىنا اعىلشىن ءتىلىن تەگىن مەڭگەرتەمىز. جاقىندا جاس بيزنەسمەندەرگە اعىلشىن ءتىلىن ۇيرەتتىك. سونىمەن قاتار لاتىن قارپىنە كوشۋ ماسەلەسىنە وراي الماتىداعى ا.بايتۇرسىنوۆ ينستيتۋتى ماماندارىمەن بىرلەسىپ ونلاين دارىستەر وتكىزىپ جاتىرمىز», - دەيدى وسكەمەندەگى كىتاپحانا ديرەكتورى حابيبا اقجىگىتوۆا.
ازامات قاسىم,
«ەگەمەن قازاقستان»
وسكەمەن