بۇگىن استانادا قازاقستان پرەزيدەنتى نۇرسۇلتان نازارباەۆتىڭ قاتىسۋىمەن Global Challenges Summit 2018 فورۋمىنىڭ جالپى وتىرىسى باستالدى. ەكونوميكالىق دامۋ جانە رەسۋرستىق تۇراقتىلىق, تسيفرلاندىرۋ جانە ۋربانيزاتسيا, ۇزاق ءومىر ءسۇرۋ جانە قارجى توڭكەرىسى, جاھاندىق قاۋىپسىزدىك جانە مادەني ورلەۋ - وسىناۋ جالپىادامزاتتىق تەندەنتسيالاردىڭ ءبارى جاڭعىرعان استانا ەكونوميكالىق فورۋمى Global Challenges Summit 2018 باعدارلاماسىنىڭ وزەگىن قۇراپ وتىر.
فورۋمعا الەمنىڭ ءتۇرلى ەلدەرىنەن 500-گە جۋىق سپيكەر قاتىسادى. بۇل اەف-ءتىڭ رەكوردتىق كورسەتكىشى. توپ-سپيكەرلەر اراسىندا فرانتسيانىڭ بۇرىنعى پرەزيدەنتى فرانسۋا وللاند, بۇۇ-نىڭ بۇرىنعى باس حاتشىسى پان گي مۋن, دۇنيەجۇزىلىك بانكتىڭ ەۋروپا جانە ورتالىق ازيا جونىندەگى باس ەكونوميسى گانس تيممەر, فيزيك, فۋتۋرولوگ ميتيو كاكۋ, Golman Sachs بۇرىنعى توراعاسى دجيم و'نيل, Apple كومپانياسىنىڭ نەگىزىن قالاۋشىلاردىڭ ءبىرى ستيۆ ۆوزنياك, رەسەي پرەزيدەنتتىگىنە ۇمىتكەر بولعان كسەنيا سوبچاك جانە وزگە دە تۇلعالار قاتىسادى. فورۋمنىڭ العاشقى ەكى كۇنگى كۇنتارتىبى جاھاندىق ماسەلەلەرگە ارنالادى, ءۇشىنشى كۇنى سپيكەرلەر قر ۇكىمەتىنىڭ, ساراپشىلار قوعامداستىعىنىڭ وكىلدەرىمەن التى باعىت بويىنشا جۇمىس جۇرگىزەتىنى كۇتىلۋدە.
كونگرەستىڭ 10 جىلدىق جۇمىسى بارىسىندا وعان الەمنىڭ 150 ەلىنەن 50 مىڭ دەلەگات, سونىڭ ىشىندە 20-دان استام نوبەل سىيلىعىنىڭ يەگەرلەرى, 30-دان استام شەتەلدىك جوعارى دەڭگەيلى ساياسي قايراتكەرلەر كەلگەن. كونگرەسس اياسىندا جالپى قۇنى 20 ملرد دوللاردان اسىپ جىعىلاتىن 300-دەن استام مەموراندۋم جانە كەلىسىمدەرگە قول قويىلدى. ءار جىلدارى فورۋمدا الەمدىك دەڭگەيدەگى ساياساتكەرلەر, عالىمدار, ەكونوميستەر, جۋرناليستەر جانە قوعام قايراتكەرلەرى, حالىقارالىق ۇيىمداردىڭ, قارجى ينستيتۋتتارىنىڭ, بيزنەس-ەليتانىڭ وكىلدەرى سپيكەر بولدى.
سۋرەتتى تۇسىرگەن ەرلان وماروۆ,
«ەگەمەن قازاقستان»