«ەگەمەن قازاقستان» گازەتى جۇلدەسى ءۇشىن بايگە جاريالاندى

«ەگەمەن قازاقستان» گازەتىنىڭ جاس جۋرناليستەرگە ارنالعان سىيلىعى ءۇشىن كونكۋرسقا قاتىسۋ

ەرەجەسى

1. جالپى ەرەجەلەر

1.1. بايقاۋدى ۇيىمداستىرۋشى – «ەگەمەن قازاقستان» رگ» اق. ورنالاسقان مەكەنجايى: استانا قالاسى, 010000, «ەگەمەن قازاقستان» گازەتى كوشەسى 5/13.

1.2. «ەگەمەن قازاقستان» گازەتىنىڭ جاس جۋرناليستەرگە ارنالعان سىيلىعى ءۇشىن كونكۋرس جىلىنا 1 رەت, جۋرناليستەردىڭ كاسىبي مەرەكەسى قارساڭىندا جاريالانادى.

1.3. كونكۋرسقا 18 بەن 35 جاس ارالى­عىن­داعى جۋرناليستەر قاتىسا الادى.

1.4. ۇمىتكەرلەردىڭ ماتەريالدارى كونكۋرس جاريالانعان كۇننەن باستاپ, 1 اي مەرزىم ىشىندە قابىلدانادى.

1.5. كونكۋرستىڭ تاقىرىبى جىل سايىن وزگەرىپ تۇرادى جانە ونى «ەگەمەن قازاق­ستان» رگ» اق رەداكتسيا القاسى بەكىتەدى.

1.6. كونكۋرسقا كەلىپ تۇسكەن ماتەريالداردى «ەگەمەن قازاقستان» گازەتىنىڭ رەداكتسيا القاسىنان قۇرالعان كوميسسيا (بۇدان ءارى – كونكۋرستىق كوميسسيا) باعالايدى.

2. كونكۋرسقا قاتىسۋ شارتى

2.1. كونكۋرسقا «ەگەمەن قازاقستان» گازەتىندە جانە egemen.kz سايتىندا جاريا­لانعان حابارلاندىرۋدا ۇسىنىلعان تاقى­رىپقا سايكەس كەلەتىن تاقىرىپ اياسىندا جازىلعان جانە «ەگەمەننىڭ جۇلدەسى ءۇشىن كونكۋرسقا» دەگەن ايدار قويىلعان ماتەريال­دار قابىلدانادى.

«ەگەمەن قازاقستان» گازەتىنىڭ جاس جۋرناليستەرگە ارنالعان سىيلىعى 2018 جىلى «ەلوردا – ەلدىكتىڭ ايناسى» دەگەن تاقىرىپ اياسىنداعى 3 نوميناتسيا بويىنشا – «ۇزدىك تانىمدىق ماتەريال», «ۇزدىك جۋرناليستىك زەرتتەۋ» جانە «ۇزدىك فوتورەپورتاج» ءۇشىن جاريالانادى. ۇمىتكەرلەردىڭ ماقالالارى بيىل 20 جىلدىعى اتالىپ وتەتىن استانا قالاسى تۋرالى ونىڭ وتكەنى مەن بۇگىنى, كەلەشەگى ءھام تۇتاس ەل دامۋىندا الاتىن ورنى جايىندا تاريحي-تانىمدىق تۇرعىدان جازىلۋى نەمەسە وزەكتى ماسەلەلەردى قوزعاۋى كەرەك. سونىمەن بىرگە باس قالانىڭ ەلىمىزدى الەمگە ايگىلەۋدەگى ءرولى جونىندە دە دايەكتى وي تولعاۋى ءتيىس.

2.2. كونكۋرسقا ارنالعان ماتەريالدار Times New Roman 14 شريفتىمەن 1,5 ينتەرۆالىندا جازىلىپ, كولەمى 3,5 بەتتەن اسپاۋى ءتيىس. ساپالى سۋرەتتەرىمەن جىبەرىلسە, قۇبا-قۇپ.

2.3. كونكۋرسقا جىبەرىلگەن ماتەريال مەن سۋرەتتەر بۇرىن باسقا باسىلىمداردا جاريالانباعان بولۋى ءتيىس. بۇل ورايداعى جاۋاپكەرشىلىك اۆتورعا جۇكتەلەدى.

2.4. كونكۋرسقا ارنالعان ماتەريالدار info@egemen.kz ەلەكتروندى بايلانىس جەلىسىنە «ەگەمەننىڭ جۇلدەسى ءۇشىن كونكۋرسقا» دەگەن ايدارمەن جىبەرىلۋى قاجەت.

3. كونكۋرس قورىتىندىسى

3.1. كونكۋرستىق كوميسسيا كونكۋرس قورى­تىندىسىن ماتەريال قابىلداۋ اياقتال­عان كۇننەن باستاپ, 1 ء(بىر) اپتا ىشىندە شىعارۋعا مىندەتتى.

3.2. كونكۋرستىق كوميسسيانىڭ شەشى­مىنە سايكەس, «ۇزدىك تانىمدىق ماتەريا­ل», «ۇزدىك جۋرناليستىك زەرتتەۋ» جانە «ۇز­­دىك فوتورەپورتاج» دەپ تانىلعان ماتە­ريال­داردىڭ اۆتورلارى ماراپاتتاۋعا ۇسى­نىلادى. ولار­دىڭ ارقايسىسىنا ارنايى كادەسىي جانە 200 000 (ەكى ءجۇز مىڭ) تەڭگە اقشالاي سىيلىق تاپسىرىلادى;

قوسىمشا ىنتالاندىرۋ سىيلىعى كون­كۋرس­ت­ىق كوميسسيانىڭ ۇسىنىسىمەن تاعايىندالۋى مۇمكىن.

3.3. كونكۋرس جەڭىمپازدارى جۋرناليس­تەردىڭ كاسىبي مەرەكەسى قارساڭىندا ماراپاتتالادى. ماراپاتتاۋ ءراسىمى وتەتىن ورىن قوسىمشا جاريالانادى.