ۇكىمەتتە جىلۋ بەرۋ ماۋسىمىنىڭ قورىتىندىسى قارالدى

ەنەرگەتيكا ءمينيسترى قانات بوزىمباەۆ كۇزگى-قىسقى كەزەڭ تۇراقتى وتكەنىن اتاپ ءوتتى. قىسقى ەڭ جوعارى قۋات كورسەتكىشى 28 قاڭتاردا بەلگىلەندى جانە 14 615 مۆت-تى قۇرادى, بۇل 2017 جىلعى دەڭگەيدەن شامامەن 4,5% ارتىق.

ەنەرگيا كاسىپورىندارىنىڭ نەگىزگى جابدىقتارىندا جوسپارلانعان جوندەۋلەر تولىق كولەمدە ورىندالدى. ەلەكتر ستانسالارى بويىنشا 10 ەنەرگيا بلوگى, 59 قازان جانە 39 تۋربينا جوندەلدى. سونداي-اق, 638 ورتالىقتاندىرىلعان قازاندىق, 24,3 مىڭ شاقىرىم ەلەكتر بەرۋ جەلىلەرىنىڭ جوندەۋ جۇمىستارى جۇرگىزىلدى.

وتكەن كۇزگى-قىسقى كەزەڭدە ەلەكتر ستانسالارىندا جانە ەلەكتر جەلىلەرىندە وتكەن كەزەڭمەن سالىستىرعاندا تەحنولوگيالىق بۇزىلۋلاردىڭ سانى 12% تومەندەدى.

«ەنەرگيا جۇيەسىندە وتكەن جىلىتۋ ماۋسىمىندا ءىرى تەحنولوگيالىق بۇزۋشىلىقتارعا جول بەرىلمەدى. جىلىتۋ ماۋسىمىندا ەلەكتر ستانسالارىندا ەلەكتر گەنەراتسياسىنىڭ تولىق تومەندەۋىنىڭ 26 جاعدايى بەلگىلەندى, بۇل وتكەن جىلعى دەڭگەيدەن 26% از», — دەدى ەنەرگەتيكا ءمينيسترى.

قاڭتاردىڭ ەكى اپتاسىندا, ەڭ تومەنگى سىرتقى اۋا تەمپەراتۋراسى -45 ºC, ال ەلىمىزدىڭ وڭتۇستىك وڭىرلەرىندە -40 ºC-گە دەيىن بولىپ, 2012 جىلعى تىركەلگەن مينيمۋمنان 2 ºC-قا تومەن بولعان كەزدە, ەنەرگەتيكالىق كاسىپورىندار تۇتىنۋشىلاردى تۇراقتى ەلەكترمەن قامتاماسىز ەتتى.

وتكەن جىلىتۋ ماۋسىمىندا جالپى العاندا ەنەرگيا كوزدەرىندە پايدالانىلاتىن وتىن قورىنىڭ قاجەتتى مولشەرى قامتاماسىز ەتىلدى. وپەراتيۆتىك شتاب كومىردى ەنەرگيا كوزدەرىنە جەتكىزۋ جاعدايىن تۇراقتاندىرۋ جۇمىسىن ورىندادى.

ق. بوزىمباەۆ ۇكىمەت قورىنان 2017–2018 جىلدارداعى جىلىتۋ ماۋسىمىنا وتىندى ساتىپ الۋ ءۇشىن قوستاناي, شىعىس قازاقستان, جامبىل وبلىستارىنىڭ ەنەرگيا كوزدەرىنە 1178, 7 ملن تەڭگە قاراجات ءبولىندى.

بيىلعى قاڭتار ايىندا اۋا-رايى جاعدايىنىڭ ناشارلاۋىنا بايلانىستى ءوندىرۋ جانە تيەۋ جۇمىستارىنىڭ شەكتەلۋىنە قاراماستان, كومىر ءوندىرۋ كاسىپورىندارى وسى جىلدىڭ ءتورت ايىندا 36 ملن توننا كومىر ءوندىردى.

سونىمەن بىرگە, ق. بوزىمباەۆ الداعى كۇزگى-قىسقى كەزەڭگە دايىندىق جۇمىستارى بەكىتىلگەن كەستەگە سايكەس جۇرگىزىلىپ جاتقانىن اتاپ ءوتتى.

ەنەرگەتيكا مينيسترلىگى ۇكىمەتتىڭ وكىمىنە سايكەس ەنەرگەتيكا كاسىپورىندارىنداعى جوندەۋ جۇمىستارىنىڭ مونيتورينگىن ۇيىمداستىردى جانە ايىنا ەكى رەت الىنعان اقپاراتتى ۇكىمەتكە جىبەرەدى.

ءبىرتۇتاس ەلەكتر ەنەرگەتيكالىق جۇيەسىندەگى ەلەكتر ستانسالارىنىڭ نەگىزگى جابدىقتارىن جوندەۋ كەستەسىنە سايكەس بيىل 8 ەنەرگيا بلوگىن, 56 قازاندى, 45 تۋربينانى جوندەۋ جوسپارلانعان. مامىردىڭ ءبىرىنشى ونكۇندىگىنە 2 ەنەرگيا بلوگىنىڭ, 4 قازاننىڭ جانە 4 تۋربينانىڭ جوندەۋ جۇمىستارى اياقتالدى. جوندەۋ جۇمىستارى 2 ەنەرگيا بلوگىندا, 17 قازاندا جانە 8 تۋربينادا جۇرگىزىلۋدە. جالپى, جوندەۋ جۇمىستارى كەستەگە سايكەس جۇرگىزىلۋدە.

مينيسترلىك ورتالىق جانە جەرگىلىكتى اتقارۋشى ورگاندارمەن بىرلەسىپ, ەنەرگيا كاسىپورىندارىنىڭ الداعى جىلىتۋ ماۋسىمىن وتكىزۋگە دايىندىق جۇمىستارىن جۇرگىزەتىن بولادى.

ءوز كەزەگىندە, ينۆەستيتسيالار جانە دامۋ ءمينيسترى جەڭىس قاسىمبەك جالپى 2017/2018 جىلدارداعى جىلىتۋ ماۋسىمى رەسپۋبليكا بويىنشا تۇراقتى رەجيمدە وتكەنىن ايتتى. قر يدم جىلىتۋ ماۋسىمىنىڭ ءوتۋ بارىسىنا اۆتونومدىق قازاندىقتاردىڭ, جىلۋمەن جابدىقتاۋ, سۋمەن جابدىقتاۋ جانە سۋ بۇرۋ جەلىلەرىنىڭ جۇمىسىنداعى تەحنولوگيالىق اقاۋلار بولىگىنە مونيتورينگ جۇرگىزدى. اكىمدىكتەر تەحنولوگيالىق بۇزۋشىلىقتاردى قىسقا مەرزىم ىشىندە شەشىپ وتىردى.

سونداي-اق, ج. قاسىمبەكتىڭ ايتۋىنشا, جىلىتۋ ماۋسىمىنىڭ باسىندا تۇتىنۋشىلاردىڭ كوممۋنالدىق قىزمەتتەر ءۇشىن دەبيتورلىق بەرەشەگى 14,5 ملرد تەڭگەنى قۇراعان. بيىل ءساۋىر ايىنداعى جاعداي بويىنشا بەرەشەك 1,3 ملرد تەڭگەگە ازايعان.

الداعى 2018/2019 جىلدارى جىلىتۋ ماۋسىمىنا ۋاقىتىلى ءارى ساپالى دايىندالۋ ماقساتىندا قر يدم جىلىتۋ ماۋسىمىنا دايىندىق جونىندەگى جۇمىس جوسپارىن بەكىتتى.

«جوسپارعا سايكەس وبلىستاردىڭ, استانا جانە الماتى قالالارىنىڭ اكىمدىكتەرىنە: 2018 جىلدىڭ 1 قىركۇيەگىنە دەيىن ءبىلىم بەرۋ نىساندارىنىڭ 100% دايىندىعىن, 15 قازانعا دەيىن بارلىق كوممۋنالدىق شارۋاشىلىق, الەۋمەتتىك سالا نىساندارىنىڭ, تۇرعىن ۇيلەردىڭ دايىندىعىن اياقتاپ, اۆتونومدىق قازاندىقتاردى وتىننىڭ نورماتيۆتىك قورىمەن قامتاماسىز ەتۋ قاجەت», — دەدى ج. قاسىمبەك.

قازىرگى تاڭدا جوسپار اكىمدىكتەرگە جەتكىزىلىپ, ونى جۇزەگە اسىرۋ بويىنشا جۇمىستار جۇرگىزىلىپ جاتىر.

وڭىرلەردە جىلىتۋ ماۋسىمىنا دايىندىق بويىنشا قابىلدانىپ جاتقان شارالار تۋرالى اقمولا وبلىسىنىڭ اكىمى م. مىرزالين, قاراعاندى وبلىسىنىڭ اكىمى ە. قوشانوۆ, پاۆلودار وبلىسىنىڭ اكىمى ب. باقاۋوۆ, استانا قالاسىنىڭ اكىمى ءا. يسەكەشەۆ باياندادى.

ماسەلەنى قاراۋ قورىتىندىسى بويىنشا قر پرەمەر-ءمينيسترى باقىتجان ساعىنتاەۆ جالپى جىلۋ بەرۋ ماۋسىمى تۇراقتى وتكەنىن ايتىپ, ورتالىق جانە جەرگىلىكتى اتقارۋشى ورگاندارعا الداعى كۇزگى-قىسقى كەزەڭگە دايىندىق بويىنشا بىرقاتار ناقتى تاپسىرمالار بەردى.

ەنەرگەتيكا, ينۆەستيتسيالار جانە دامۋ مينيسترلىكتەرىنە جىلۋ بەرۋ ماۋسىمىنا دايىندىق جونىندەگى ءىس-شارالاردىڭ ورىندالۋ بارىسىنا مونيتورينگ جۇرگىزۋ تاپسىرىلدى. ءوڭىر اكىمدەرىنە بارلىق جىلىتۋ جانە ەلەكترمەن جابدىقتاۋ, كوممۋنالدىق سەكتور جانە الەۋمەتتىك سەكتور نىساندارىنىڭ جوسپارلى جوندەۋ جۇمىستارىنىڭ ورىندالۋىن قامتاماسىز ەتۋ تاپسىرىلدى.

پرەمەر-مينيستر وتكەن جىلى كەيبىر وڭىرلەردە كومىر تاپشىلىعى مەن كومىر باعاسىنىڭ قىمباتتاۋى ورىن العان قولايسىز جاعدايدىڭ قايتالانباۋىن تاپسىردى. اكىمدەرگە ەنەرگەتيكا مينيسترلىگىمەن بىرلەسىپ, كومىر تاپشىلىعىن بولدىرماۋ ماقساتىندا جىلۋ بەرۋ ماۋسىمى باستالار ۋاقىتقا قاراي كوممۋنالدىق-تۇرمىستىق قاجەتتىلىكتەر ءۇشىن ءتيىستى وتىن قورىن قامتاماسىز ەتۋ تاپسىرىلدى.

مونوپولياعا قارسى كوميتەتكە كومىر باعاسىنىڭ نەگىزسىز ءوسۋى جانە ىقتيمال الىپ-ساتارلىق ەلەمەنتتەرىن شەكتەۋ تاپسىرىلدى.

باقىلاۋ جۇمىستارى قر پرەمەر-ءمينيسترىنىڭ ءبىرىنشى ورىنباسارى ا. مامينگە جۇكتەلدى.