ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا قارجى مينيسترلىگى مەملەكەتتىك كىرىستەر كوميتەتى توراعاسىنىڭ ورىنباسارى ءمادي تاكيەۆ اعىمداعى جىلدىڭ ءبىرىنشى توقسانىنداعى كورسەتكىشتەردى جاريالادى.
«مەملەكەتتىك بيۋدجەتتىڭ سالىق تۇسىمدەرىنىڭ جوسپارىن ىسكە اسىرۋ 106,0 پايىزدى قۇرايدى, ياعني 1 786,1 ملرد تەڭگە سالىق ءتۇستى. سالىقتىق باقىلاۋدىڭ تيىمدىلىگى 100 پايىزعا ءوستى. بۇدان باسقا, مەملەكەت باسشىسىنىڭ تاپسىرماسى بويىنشا سالىقتىق تەكسەرۋلەر سانىن 37,5 پايىزعا قىسقارتۋ قاجەت. 2017 جىلدىڭ سوڭىنا قاراي قوسىمشا ەسەپتەلگەن سالىقتار سوماسى 234,8 ملرد تەڭگەنى, 2016 جىلعا 554,5 ملرد تەڭگەنى قۇرادى. سونىمەن بىرگە 2017 جىلى سالىقتار مولشەرى 33,1 ملرد تەڭگەنى, 2016 جىلى 22,2 ملرد تەڭگەنى قۇرادى. جاڭا سالىق كودەكسىنىڭ شەڭبەرىندە جوسپاردان تىس سالىق تەكسەرۋلەرىنىڭ نەگىزدەرى قايتا قارالدى», دەدى م.تاكيەۆ.
سونىمەن قاتار ول تاۋارلاردى ءوندىرۋ مەن ساتۋدى اكىمشىلەندىرۋ بويىنشا دەرەكتەرگە دە كەڭىنەن توقتالدى.
«ەتيل ءسپيرتىنىڭ, الكوگول ونىمدەرىنىڭ جانە مۇناي ونىمدەرىنىڭ زاڭسىز ءوندىرىسى مەن اينالىمىنا قارسى تۇرۋ ءۇشىن زاڭسىز اينالىمدى تومەندەتۋگە مۇمكىندىك بەرەتىن جانە سايكەسىنشە سالىقتاردىڭ جينالۋىن كوبەيتەتىن ەسەپتەۋدىڭ باقىلاۋ قۇرالدارى (ەبق) ەنگىزىلدى. قازىرگى ۋاقىتتا, ەبق 18 مۇناي وڭدەۋ زاۋىتىندا جانە الكوگول ونىمدەرىن وندىرەتىن 48 زاۋىتتا ورناتىلعان. الكوگول ونىمدەرىنىڭ جانە مۇناي ونىمدەرىنىڭ ءوندىرىسى مەن اينالىمى بويىنشا دەرەكتەر ناقتى ۋاقىت رەجىمىندە «نيت» اق-تىڭ وپەراتورىنا جىبەرىلىپ وتىرادى. تاۋارلاردى تاڭبالاۋ 2017 جىل ءۇشىن مەملەكەتتىك كىرىستەر ورگاندارىنىڭ ماڭىزدى قورىتىندى كورسەتكىشتەرىنىڭ ءبىرى بولىپ تابىلادى. وسىلايشا, 2017 جىلدىڭ 27 قاراشاسىندا تەرى بۇيىمدارىن تاڭبالاۋ بويىنشا قاناتقاقتى جوبا ىسكە قوسىلدى. بۇل رەتتە, 2017 جىلدىڭ 27 قاراشاسىمەن 2018 جىلدىڭ ناۋرىزى ارالىعىندا قازاقستان رەسپۋبليكاسىنىڭ ساۋدا ورىندارىندا تەرى بۇيىمدارى ءۇشىن 221 046 دانا باقىلاۋ يدەنتيفيكاتسيالاۋ بەلگىلەرىنە تاپسىرىس بەرىلگەن, بۇل رەسمي ستاتيستيكالىق دەرەكتەردەن الدەقايدا جوعارى. بۇگىنگى تاڭدا ەلەكتروندى ساۋدانى دامىتۋ قولما-قول اقشاسىز ەسەپ ايىرىسۋدىڭ دامۋىنا ىقپال ەتەتىن, كولەڭكەلى اينالىمدى قىسقارتاتىن جانە حالىقارالىق ساۋداعا كىرۋگە جوعارى الەۋەتى بار كوكەيكەستى باعىتتاردىڭ ءبىرى بولىپ تابىلادى. وسىعان وراي 2018 جىلدىڭ 1 قاڭتارىنان باستاپ ينتەرنەت-دۇكەندەر نەمەسە ينتەرنەت-الاڭدار ارقىلى قىزمەتىن جۇزەگە اسىراتىن كاسىپكەرلەرگە: زاڭدى تۇلعالارعا كورپوراتيۆتىك تابىس سالىعىن تولەۋدەن, جەكە كاسىپكەرلەرگە جەكە تابىس سالىعىن تولەۋدەن 100 پايىزعا بوساتۋ تۇرىندە سالىق جەڭىلدىكتەرى قاراستىرىلعان. مەملەكەتتىك كىرىستەر كوميتەتى كورسەتىلەتىن مەملەكەتتىك قىزمەتتەردى وڭتايلاندىرۋ جانە اۆتوماتتاندىرۋ جولىمەن راسىمدەردى جەتىلدىرۋ بويىنشا جۇمىستاردى ۇدايى جۇرگىزىپ كەلەدى», دەدى ول.
راۋان قايدار, «ەگەمەن قازاقستان»