سولتۇستىك قازاقستاندا پەرزەنتحانا جابىلاتىن بولدى

2016 جىلى سانيتارلىق نورماعا ساي كەلمەگەندىكتەن بۇل نىساننىڭ ەسىگىنە قارا ق ۇلىپ سالىنعان بولاتىن. كۇردەلى جوندەۋ جۇمىستارىنان كەيىن قايتا اشىلعان پەرزەنتحانا تاعى دا ءوز جۇمىسىن توقتاتتى.

«20  توسەككە شاقتالعان پەرزەنتحانادا ەكىقابات ايەلدەرگە جان-جاقتى جاعداي جاسالعان. ونى جابۋ ءتيىمسىز», دەيدى  پەرزەنتحانا بولىمشەسىنىڭ نەوناتولوگى ناتاليا پومازانوۆا.

پەريناتالدىق ورتالىق ماماندارىنا تۇسەتىن سالماقتى ازايتۋ ءۇشىن پەرزەنتحانا 2011 جىلى اشىلىپتى. مۇندا جۇكتى ايەلدەرگە تەك 2-ءشى دەڭگەيلى كومەكتەر كورسەتىلەدى. ياعني, پاتولوگياسى بار نازىكجاندىلار بۇل پەرزەنتحانادا بوسانا المايدى. سەبەبى, نىساندا جان ساقتاۋ ءبولىمى جوق. ستاتيستيكالىق مالىمەتتەرگە سۇيەنسەك, بالا تۋ كورسەتكىشى تومەندەگەندىكتەن بۇل كەرەۋەتتەردىڭ ءوزى كەيدە بوس تۇراتىن كورىنەدى.

№ 3-ءشى قالالىق اۋرۋحانانىڭ باس دارىگەرى ەرجان ابۋعاليەۆتىڭ ايتۋىنشا ورتاشا ەسەپپەن پەرزەنتحانادا كۇنىنە 3-4 نارەستە دۇنيەگە كەلەدى. ياعني, جىلىنا 1200 ءسابي تۋادى دەگەن ءسوز . بۇل نورمادان 3-4 ەسە از. سوندىقتان, مەكەمەنىڭ قۇرىلىمىن وزگەرتۋ ءۇشىن وسىنداي شارا قولدانۋعا تۋرا كەلگەن. بۇعان قوسا, مۇندا جۇمىس ىستەيتىن مامانداردىڭ باسىم بولىگى پەريناتالدىق ورتالىقتىكى.

عيماراتتىڭ پەرزەنتحانا ورنالاسقان قاباتىندا وڭالتۋ ورتالىعى قۇرىلادى. ويتكەنى  مۇنداي قىزمەت  كورسەتەتىن مەكەمە قالادا جوق.

«2017 جىلى پەرزەنتحاناعا  106 ميليون تەنگە كولەمىندە قاراجات جۇمسالدى. ونىڭ  84 ميلليونى عانا ء وزىن-ءوزى اقتادى. كەرەۋەتتەر بوس بولعاندىقتان, قارجىنىڭ 21 پايىزى بوسقا شىعىندالدى. بيۋدجەتتەن بولىنگەن بۇل قاراجاتتى  باسقا مقساتتارعا جۇمسايمىز»,دەيدى دەنساۋلىق ساقتاۋ باسقارماسى باسشىسىنىڭ ورىنباسارى داۋرەنبەك  بەيسەمباەۆ.

قۇزىرلى ورگان ماماندارى پەرزەنتحانانىڭ جابىلۋىنان جۇكتى ايەلدەرگە كورسەتىلەتىن قىزمەتتىڭ ساپاسى تومەندەمەيتىنىنە,  160-تان استام كەرەۋەتى بار پەريناتالدىق ورتالىق سۇرانىستى تولىق اقتايتىنىنا سەندىرىپ وتىر.

ءومىر ەسقالي,

«ەگەمەن قازاقستان».

سولتۇستىك قازاقستان وبلىسى.