بريتانيالىق بەدەلدى ورگان UK NARIC (National Recognition Information Centre) – ۇلىبريتانيانىڭ ءبىلىم كۋالىگىن تانۋ جونىندەگى ۇلتتىق اقپارات ورتالىعى نازارباەۆ زياتكەرلىك مەكتەپتەرىنىڭ NIS-Programme وقۋ باعدارلاماسىن حالىقارالىق General Certificate of Education A-Level (GCE A-Level) دەڭگەيىمەن تەڭ دەپ مويىندادى.
GCE A-Level باعدارلاماسى الەمنىڭ بارلىق ۇزدىك ۋنيۆەرسيتەتتەرىندە مويىندالعان. بۇل باعدارلاما بويىنشا ءبىلىم العان تۇلەكتەرگە قوسىمشا ەمتيحان تاپسىرۋ نەمەسە ۋنيۆەرسيتەتكە دايىندايتىن Foundation كۋرسىن وقۋ مىندەتتەلمەيدى.
NIS-Programme بارلىق اسپەكتىلەرىن, باعالاۋ جۇيەسىن جان-جاقتى زەردەلەپ, زياتكەرلىك مەكتەپتەردى ارالاپ, نازارباەۆ زياتكەرلىك مەكتەپتەرىنىڭ 12 سىنىپتى ءتامامداۋ تۋرالى اتتەستاتى ۇلىبريتانيانىڭ GCE A-Level دەڭگەيىمەن سايكەس كەلەدى دەپ ۇيعاردىق, دەدى UK NARIC ساراپشىلارى. بۇعان دەيىن دە زياتكەرلىك مەكتەپتەردىڭ وقۋ باعدارلاماسى قازاقستاندىق جوعارى وقۋ ورىندارى تاراپىنان مويىندالعان. ايتا كەتەرلىگى, مەكتەپ تۇلەكتەرى ەلىمىزدەگى بىرقاتار جوو-دا, اتاپ ايتساق, قازاقستان-بريتانيا تەحنيكالىق ۋنيۆەرسيتەتىنە (قبتۇ), كيمەپ ۋنيۆەرسيتەتىنە, ق. ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىنە (قازۇتۋ), الماتى مەنەدجمەنت ۋنيۆەرسيتەتىنە (AlmaU), الماتى ەنەرگەتيكا جانە بايلانىس ۋنيۆەرسيتەتى (اەبۋ), ق. جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتى ء(اومۋ), حالىق شارۋاشىلىعى ۋنيۆەرسيتەتىنە («بيزنەستى اكىمشىلەندىرۋ باكالاۆرى» ماماندىعىنا), حالىقارالىق اقپاراتتىق تەحنولوگيالار ۋنيۆەرسيتەتىنە («اقپاراتتىق قاۋىپسىزدىك» ماماندىعىنا) ەكىنشى كۋرسقا قابىلدانا الادى. سونىمەن قاتار Foundation كۋرسىنان وتپەي-اق نازارباەۆ ۋنيۆەرسيتەتىنىڭ باكالاۆرياتى اتانۋعا مۇمكىندىك بار.
ەركەجان ايتقازى, «ەگەمەن قازاقستان»