تۋعان توپىراققا تاعزىم

قازاقتىڭ قاي قيىرى دا قاسيەتتى. ۇلان-عايىر ۇلى دالامىزدا ءومىر ءسۇرىپ, ونەگەلى ىستەرىمەن تانىلعان تۇل­عالار دا جەتەرلىك. وسىنداي تۇعىر­لى تۇلعالاردى جاس ۇرپاققا تان­ىتۋ, ولاردىڭ ونەگەلى ىستەرىن دارىپ­تەۋ دە رۋحانيات الەمىنە كور­سەت­ىلگەن قۇرمەت. وسى ورايدا سارىسۋ اۋدانىنىڭ ورتا­لىعى جاڭاتاس قالاسىندا جەرگىلىكتى كاسىپكەر, «التىن وردا» جشس ديرەك­تورى داۋلەتالدى جانباەۆتىڭ دەمەۋ­شىلىگىمەن جارىق كورگەن «قاراسۋ – اتامەكەنىم» كىتابىنىڭ تۇساۋكە­سەرى ءوتتى. اتالعان كىتاپقا كەزىندە تاۋكە حاننىڭ باس ءبيى بولعان ەسەي بي, جارىقباس باتىر, بولتىرىك شەشەن, ەرنازار اۋليە, حان جامبىل سەكىلدى تۇلعالاردىڭ ەل تاعدىرى ءۇشىن بيلىك ايتقان كەزەڭدەرىنەن تاريحي دەرەكتەر كەلتىرىلگەن. كىتاپتىڭ نەگىزگى مازمۇنى – جوڭعار شاپقىنشىلىعى, قوقان قىسپاعى, ودان كەيىن ورىس پەن قىرعىزدىڭ قازاق حالقىنا كۇش كورسەتۋى سياقتى وقيعالاردى ارقاۋ ەتە وتىرىپ, ەل ءۇشىن ەتىگىمەن سۋ كەشكەن ءباھادۇر بابالاردىڭ ەرلىگىن دارىپ­تەۋ. سونىمەن قاتار اتالعان تاري­حي تۇلعالار ۇرپاعىنىڭ ەل اۋزىنان جينا­عان اڭگىمەلەرى, ۇرپاقتار ساباق­تاستىعى ارقىلى حاتقا تۇسكەن ەستە­لىكتەرى توپتاس­تىرىلعان.

– قاراسۋ ەلدى مەكەنى وڭتۇستىك قازاقستان وبلىسى بايدىبەك اۋدانى قازىرگى العاباس كەڭشارىنىڭ سول­تۇستىك جاعىندا جامبىل وبلى­سى­نىڭ سارىسۋ اۋدانىنا شەكتەس ارىستاندى, قوسپاسۋ, ۇسىكتاس ەلدى مەكەندەرى وزەندەرىنىڭ توعىسقان جەرىن­دە ورنالاسقان. وسى كىتاپتى شىعارۋ بارىسىندا اڭگىمەمىزگە ارقاۋ بولعان كەشەگى وتكەن ءباھادۇر بابالار جونىندە وڭتۇستىك قازاقستان وبلىسى جانە جامبىل وبلىسىنداعى سول بابالاردان قالعان, قازىرگى ءومىر ءسۇرىپ جاتقان ۇرپاقتارىمەن تىلدەسۋدىڭ ءساتى ءتۇستى. سول اعالارىما, باۋىرلارىما جانە دە باسقا اعايىندارعا شەكسىز العىسىمدى بىلدىرەمىن, – دەيدى داۋلەتالدى جانباەۆ.

كىتاپتىڭ تۇساۋكەسەر راسىمىنە قاتىسقان كوپشىلىك قاۋىم اتالعان ەڭبەكتىڭ ءمانى مەن ماڭىزىنا توقتالىپ, وزدەرىنىڭ پىكىرلەرىن ءبىلدىردى. ەلبا­سى­نىڭ «بولاشاققا باعدار: رۋحاني جاڭعىرۋ» باعدارلامالىق ماقا­لاسى اياسىندا جارىق كورگەن كىتاپتىڭ وقىر­مانعا بەرەرى مول.

حاميت ەسامان,

«ەگەمەن قازاقستان»

جامبىل وبلىسى