قارجىلىق مونيتورينگ اگەنتتىگى باتىس قازاقستان وبلىسى بويىنشا دەپارتامەنتى اۆتوموبيل جولدارىن كۇردەلى جوندەۋگە بولىنگەن بيۋدجەت قاراجاتىن جىمقىرۋ فاكتىسى بويىنشا تەرگەۋدى اياقتادى. قۇقىق قورعاۋ ورگاندارى جول قۇرىلىسى سالاسىنداعى قارجى بۇزۋشىلىقتارىن انىقتاۋ جۇمىستارىن جالعاستىرىپ جاتىر, دەپ حابارلايدى Egemen.kz.
2023 جىلعى ناۋرىزدا مەملەكەتتىك ساتىپ الۋ قورىتىندىسى بويىنشا سىرىم اۋداندىق تۇرعىن ءۇي-كوممۋنالدىق شارۋاشىلىعى, جولاۋشىلار كولىگى جانە اۆتوموبيل جولدارى ءبولىمى مەن ساپاك وندىرىستىك كووپەراتيۆى اراسىندا جىمپيتى اۋىلىنداعى جولداردى جوندەۋگە 259 ملن تەڭگە سوماسىنا كەلىسىمشارت جاسالعان.
تەرگەۋ بارىسىندا ساپاك وندىرىستىك كووپەراتيۆى ديرەكتورى مەن اك-بي جشس باسشىسىنىڭ الدىن الا ءسوز بايلاسقانى انىقتالدى. ولار سەنىپ تاپسىرىلعان قاراجاتتى يەمدەنۋدىڭ جاسىرىن سحەماسىن ۇيىمداستىرعان.
ەلىمىزدەگى ۋنيۆەرسيتەتتەردىڭ بىرىندە ميلليونداعان قارجى جىمقىرۋ فاكتىسى انىقتالدى
كۇدىكتىلەر ورىندالعان جۇمىستار اكتىلەرىنە جۇيەلى تۇردە جالعان مالىمەت ەنگىزىپ وتىرعان. قۇجاتتاردا اسفالت توسەۋ, جەر قازۋ, بەتونداۋ جانە سۋ قۇبىرلارىن تارتۋ جۇمىستارى تولىق كولەمدە كورسەتىلگەنىمەن, ءىس جۇزىندە بۇل جۇمىستار جاسالماعان نەمەسە ماردىمسىز كولەمدە عانا ورىندالعان.
جالعان اكتىلەر نەگىزىندە تاپسىرىس بەرۋشى مەكەمە بيۋدجەت قاراجاتىن مەردىگەر ۇيىمنىڭ ەسەپشوتىنا اۋدارىپ وتىرعان. كەيىن تۇسكەن قاراجات سحەماعا قاتىسۋشىلار اراسىندا بولىنگەن.
تەرگەۋ قورىتىندىسى بويىنشا مەملەكەتكە 56,5 ملن تەڭگە كولەمىندە ماتەريالدىق زالال كەلگەنى انىقتالدى. سوت سانكتسياسىمەن كۇدىكتىلەردىڭ ءبىرىنىڭ پاتەرىنە تىيىم سالىندى.
ءمامس قارجىسىن جىمقىرعاندار سوتتالدى
قازىرگى ۋاقىتتا ولارعا قاتىستى ەشقايدا كەتپەۋ جانە ءتيىستى مىنەز-ق ۇلىق تۋرالى قولحات تۇرىندەگى بۇلتارتپاۋ شاراسى قولدانىلعان. قىلمىستىق ءىس سوت قاراۋىنا جولداندى.
بۇعان دەيىن سوت ۇكىمىمەن سىرىم اۋداندىق تۇرعىن ءۇي-كوممۋنالدىق شارۋاشىلىعى, جولاۋشىلار كولىگى جانە اۆتوموبيل جولدارى ءبولىمى باسشىسى قىزمەتتىك وكىلەتتىگىن اسىرا پايدالانعانى ءۇشىن كىنالى دەپ تانىلعان.
قىلمىستىق-پروتسەستىك كودەكستىڭ 201-بابىنا سايكەس تەرگەۋگە قاتىستى وزگە اقپارات جاريالانبايدى.
600 ملن تەڭگەدەن استام بيۋدجەت قاراجاتىن جىمقىرۋ: ءوڭىر مەديتسيناسىنداعى بىلىقتىڭ بەتى اشىلدى