بۇگىن ءماجىلىستىڭ جالپى وتىرىسىندا دەپۋتات اسحات ايماعامبەتوۆ جاڭا كونستيتۋتسيا جوباسىنداعى قوعامدا كەڭ تالقىلانىپ جاتقان جەكەلەگەن باپتارعا قاتىستى ويىن ايتتى, دەپ جازادى Egemen.kz.
دەپۋتات كواليتسيا مۇشەسى رەتىندە بىرنەشە ءوڭىردى ارالاپ قايتقانىن ايتىپ, 30 جىلدا كونستيتۋتسيانىڭ قانشا وزگەرتۋلەر مەن تولىقتىرۋلاردى باستان كەشىرگەنىن بىلەتىن كوپتەگەن زاڭگەرلەر اتا زاڭنىڭ جاڭادان قابىلدانۋىن قولداپ وتىرعانىن جەتكىزدى.
ول جەكەلەگەن ازاماتتار تاراپىنان, «حالىقتىڭ ءبىلىم الۋ, دارىگەر كومەگىنە جۇگىنۋ سياقتى الەۋمەتتىك سۇرانىسى, ەندى تەك اقىلى تۇردە بولادى-مىس» دەگەن اقپارتتىڭ شىندىققا جاناسپايتىنىن ايتتى.
«قازاقستان الەۋمەتتىك مەملەكەت بولعان جانە بولا دا بەرەدى. بۇل جاڭا كونستيتۋتسيا جوباسىندا دا شەگەلەپ جازىلعان. ونىڭ ايقىن كورىنىسى – مەملەكەتتىك بيۋدجەتتىڭ شامامەن 40%-ى الەۋمەتتىك سالاعا باعىتتالاتىندىعى. سونىمەن قاتار, اتا زاڭنىڭ 1-بابى «مەملەكەتتىڭ ەڭ جوعارى قۇندىلىعى – ادام, ونىڭ ءومىرى, قۇقىقتارى مەن بوستاندىقتارى» دەپ ايقىندايدى. جاڭا كونستيتۋتسيا جوباسىندا, بۇل قىزمەتتەر دە اقى تولەمەي الاتىن قىزمەت دەپ انىق جازىلعان, سايكەسىنشە دەنساۋلىق ساقتاۋ مەن ءبىلىم بەرۋ سالاسىندا ازاماتتاردىڭ مۇمكىندىكتەرى ودان سايىن كەڭەيەدى دەپ ايتا الامىز. بۇل قىزمەتتەر اقىسىز دەپ ايتىلعانىمەن, ولار ءاردايىم مەملەكەتتىك بيۋدجەت ەسەبىنەن قارجىلاندىرىلىپ كەلدى جانە بولاشاقتا دا سولاي بولادى», دەدى اسحات ايماعامبەتوۆ.
ساراپشىلار جاڭا كونستيتۋتسيا جوباسىن قابىلداۋ پەرسپەكتيۆالارىن تالقىلادى
سونداي-اق ول قولدانىستاعى كونستيتۋتسيادا جازىلعان, «مەملەكەتتىك» جوعارى وقۋ ورىندارى دەگەن ءسوزدى الىپ تاستاۋ ۇسىنىلعانى دۇرىس شەشىم ەكەنىن اتاپ ءوتتى.
«ويتكەنى بۇگىنگى تاڭدا مەملەكەتتىك گرانتتار ارقىلى, ستۋدەنتتەر تەك مەملەكەتتىك قانا ەمەس, جەكەمەنشىك جوعارى وقۋ ورىندارىندا تەگىن جوعارى ءبىلىم الا الادى. كيمەپ, ماقسۇت نارىكباەۆ ۋنيۆەرسيتەتى, تۇران سياقتى ۋنيۆەرسيتەتتەر جەكە مەنشىك بولسا دا, گرانتتى ۇتىپ العان ستۋدەنتتەرىمىزدە سول ۋنيۆەرسيتەتتەردە دە گرانتپەن وقۋعا مۇمكىندىكتەرى بولۋى ءتيىس», دەدى دەپۋتات.
«AMANAT» پارتياسى فراكتسياسىنىڭ مۇشەسى قوعامدا ءجيى ايتىلىپ جۇرگەن ءسوز بوستاندىعى دا جاڭا كونستيتۋتسيا جوباسىندا ايقىن بەكىتىلگەنىن اتاپ ءوتتى. سونىمەن قاتار اسحات ايماعامبەتوۆ داۋلى تاقىرىپقا اينالعان ارنايى قۇقىقتىق رەجيم ەنگىزۋ (5-باپ, 6-تارماق) تاقىرىبى ءالى دە ءتۇرلى سۇراق تۋدىرىپ جاتقانىنا توقتالدى.
ساراپشىلار جاڭا كونستيتۋتسيا جوباسىن تالقىلادى
«بۇل تۇرعىدا قازاقستاننىڭ ەگەمەندىگى مەن تاۋەلسىزدىگى, ونىڭ اۋماقتىق تۇتاستىعى – مىزعىماس ءارى ەڭ باستى قۇندىلىق ەكەنىن ءبىز قوعامدىق ورتادا جالىقپاي ايتۋىمىز كەرەك. ارنايى قۇقىقتىق رەجيمدەردى كونستيتۋتسيا دەڭگەيىندە بەكىتۋ – ەلدىڭ ەكونوميكالىق ەگەمەندىگىن كۇشەيتۋگە باعىتتالعان قادام. مۇندا مەملەكەتتىڭ ۋنيتارلىعى جانە دە مەملەكەتتىڭ تولىق باقىلاۋى ساقتالادى. ءبىز ءتىپتى قازىر, عىلىمي قالاشىقتار تۋرالى ارنايى زاڭ جوباسىن قاراپ جاتىرمىز. سول قالالاردا دا ارنايى ورتانى قالىپتاستىرۋ, عىلىمدى دامىتۋ بويىنشا جاعداي جاساۋ تۋرالى ۇسىنىستاردى بەردىك. جالپى, بۇل جۇيە, ينۆەستورلارعا زاماناۋي جۇمىس ورىندارىن قۇرۋ, قولايلى كولىك جەلىسىن دامىتۋ جانە ينجەنەرلىك ينفراقۇرىلىمدى سالۋ مىندەتىن جۇكتەيدى. ياعني ول ءوز كەزەگىندە, ءتيىستى وڭىرلەردە, حالىقتىڭ ءومىر ساپاسىنىڭ تىكەلەي جاقسارۋىنا اكەلەدى. ارنايى رەجيم – ءىرى جوبالار ءۇشىن تەحنيكالىق كەپىلدىك. الاتاۋ قالاسى نەمەسە استانا قارجى ورتالىعى دەڭگەيىندەگى جوبالار, ۇزاق مەرزىمدى جانە اۋقىمدى ينۆەستيتسيالاردى تالاپ ەتەدى», دەدى دەپۋتات.
باقىتگۇل قامبار: جاڭا كونستيتۋتسيا حالىقارالىق نورمالارعا تولىق سايكەس كەلەدى
ءسوز سوڭىندا ماجىلىسمەن جاڭا كونستيتۋتسيادا – زامان تالابىنا جاۋاپ بەرەتىن, پروگرەسسيۆتى قوعامنىڭ سۇرانىسىنا ساي كەلەتىن, حالىقتىڭ ءال-اۋقاتىن ارتتىرۋعا باعىتتالعان ماڭىزدى نورمالار قاراستىرىلعانىن ايتتى.