بۇل تۋرالى Golden Boy Promotions پروموۋتەرلىك كومپانياسىنىڭ پرەزيدەنتى مەن الۆارەستىڭ ءوزى لوس-اندجەلەستە وتكەن ءباسپاسوز ءماسليحاتىندا ايتتى.
قازاقستاندىق بوكسشى گەننادي گولوۆكين مەن مەكسيكالىق ساۋل الۆارەس اراسىنداعى ەكىنشى كەزدەسۋ وتپەيتىن بولدى. بۇل تۋرالى Golden Boy Promotions پروموۋتەرلىك كومپانياسىنىڭ پرەزيدەنتى ەريك گومەس پەن الۆارەستىڭ ءوزى لوس-اندجەلەستە وتكەن ءباسپاسوز ءماسليحاتىندا ايتتى. ايقاستىڭ وتپەيتىنىنە نەگىزگى سەبەپ – مەكسيكالىق بوكسشىنىڭ دوپينگ داۋىنا ىلىككەنى بولىپ تۇر.
«5 مامىرعا جوسپارلانعان ەكىنشى كەزدەسۋدەن باس تارتتىق. 18 ءساۋىر كۇنى كوميسسيا تىڭدالىمى ءوتىپ, رەسمي شەشىم شىعادى. وكىنىشكە قاراي, ودان كەيىن 5 مامىرعا دەيىن جەكپە-جەكتى كەڭ كولەمدە جارنامالاۋعا ۋاقىت از», دەدى ەريك گومەس.
ايتا كەتەيىك, ساۋل الۆارەس 17 جانە 20 اقپان كۇندەرى كلەنبۋتەرولدى انىقتايتىن دوپينگ-تەست تاپسىرىپ, ول وڭ ناتيجەنى كورسەتكەندىگى ءۇشىن بوكستان ۋاقىتشا شەتتەتىلگەن-ءدى. وسىدان ەكى اپتا بۇرىن نەۆادا شتاتىنىڭ اتلەتيكالىق كوميسسيانىڭ اتقارۋشى ديرەكتورى بوب بەننەتت الۆارەس داۋىنا بايلانىستى كوميسسيا وتىرىسى 18 ساۋىردە وتەتىنىن ايتقان ەدى.
ەكى بوكسشىنىڭ اراسىنداعى ەكىنشى كەزدەسۋ 5 مامىردا لاس-ۆەگاستا ءوتۋى ءتيىس بولعان.