ەلباسى «استانا باس جوسپارى» عىلىمي-زەرتتەۋ جوبالىق ينستيتۋتى» جاۋاپكەرشىلىگى شەكتەۋلى سەرىكتەستىگىندە بولدى. بۇل تۋرالى akorda.kz حابارلادى.
مەملەكەت باسشىسى ەلوردانى اباتتاندىرۋ جونىندەگى جوبالاردىڭ ىسكە اسىرىلۋ بارىسىمەن, سونداي-اق قالانىڭ ينفراقۇرىلىمدىق جانە الەۋمەتتىك-مادەني نىساندارىنىڭ قۇرىلىس جوسپارىمەن تانىستى.
نۇرسۇلتان نازارباەۆ استانادا جاڭا ساۋلەت جانە لوگيستيكا عاماراتتارىن سالۋ كەزىندە قالا قۇرىلىسى سالاسىنداعى الەمدىك جەتىستىكتەردى زەرتتەپ, ولاردى قولدانۋ قاجەتتىگىن اتاپ ءوتتى.
قازاقستان پرەزيدەنتى قالاداعى ءومىر ءسۇرۋ ساپاسى مەن جايلى تۇرمىس دەڭگەيىن ارتتىرۋعا باعىتتالعان الەۋمەتتىك جوبالاردى ىسكە اسىرۋدىڭ ماڭىزدى ەكەنىن ايتتى.
سونىمەن قاتار, مەملەكەت باسشىسى ەلوردانىڭ 20 جىلدىعىنا ارنالعان مەرەكەلىك ءىس-شارالاردى ۇيىمداستىرىپ, وتكىزۋ ماسەلەسىنە باسا نازار اۋداردى.
– ءبىز 20 جىل ىشىندە ۇلى دالانىڭ ءدال ورتاسىندا بۇكىل الەمگە تانىلعان جاڭا اسەم قالا تۇرعىزدىق. بۇل قالا حالقىمىزدىڭ ماقتانىشىنا اينالدى. ارينە, بۇل – قالا اكىمشىلىگىنىڭ, قۇرىلىسشىلاردىڭ, ساۋلەتشىلەر مەن وسى ۇدەرىسكە اتسالىسقان كوپتەگەن ادامنىڭ ماڭداي تەرىنىڭ جەمىسى. ءبىز بيىل ەلوردامىزدىڭ 20 جىلدىعىن تويلايمىز. قوناقتارىمىزدىڭ بارىنە ەلوردانىڭ جيىرما جىلدا قول جەتكىزگەن تارتىمدىلىعىن, اسەمدىگىن جانە تىنىس-تىرشىلىگىنىڭ جوعارى دەڭگەيدە ەكەنىن كورسەتۋىمىز قاجەت, – دەدى ەلباسى.
سونداي-اق, استانا قالاسىنىڭ اكىمى ەلوردانى ودان ءارى دامىتۋ جانە قالا تۇرعىندارىنىڭ ءومىر ءسۇرۋ جاعدايىن جاقسارتۋدىڭ نەگىزگى كورسەتكىشتەرىنە قول جەتكىزۋ ءۇشىن اتقارىلىپ جاتقان جۇمىستار جونىندە باياندادى.
سوڭىندا نۇرسۇلتان نازارباەۆ بىرقاتار ناقتى تاپسىرما بەردى.