مەملەكەت باسشىسى نۇرسۇلتان نازارباەۆ شاحماتتان الەم چەمپيوناتىندا التىن مەدال جەڭىپ العان جاس قازاقستاندىق شاحماتشى جانسايا ابدىمالىككە قۇتتىقتاۋ جەدەلحاتىن جولدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
«برازيلياداعى الەمدىك شاحمات تۋرنيرىندەگى جارقىن جەڭىسىڭمەن قۇتتىقتايمىن! سەن جوعارى دەڭگەيدە ويىن ورنەگىن كورسەتىپ, التىن مەدال جەڭىپ الدىڭ جانە ءتورت مارتە الەم چەمپيونى اتاندىڭ. بۇل – تالانتىڭنىڭ, ەڭبەگىڭ مەن جەڭىسكە دەگەن ەرىك-ءجىگەرىڭنىڭ ناتيجەسى. سەنىڭ وراسان تابىسىڭ قازاقستان تاۋەلسىزدىگىنىڭ 20 جىلدىعىنا ەرەكشە سىيلىق بولدى. بۇل جەتىستىگىڭ جاس قازاقستاندىقتار ءۇشىن ۇلكەن ۇلگى-ونەگە بولاتىنىنا سەنەمىن», دەلىنگەن قۇتتىقتاۋ جەدەلحاتىندا.
مەملەكەت باسشىسى جاس چەمپيونعا تابىس, ساتتىلىك جانە جاڭا جەڭىستەر تىلەگەن.