الماتىدا جالپىۇلتتىق سوتسيال-دەموكراتيالىق پارتياسىنىڭ 9-شى سەزى ءوتتى. سەزد قورىتىندىسى بويىنشا جالپىۇلتتىق سوتسيال-دەموكراتيالىق پارتياسىنىڭ پارلامەنت ءماجىلىسىنىڭ سايلاۋىنا بەلسەنە قاتىساتىنى ءمالىمدەلدى.
جسدپ الداعى وتەتىن پارلامەنت ءماجىلىسىنىڭ سايلاۋىنا 57 ازاماتتىڭ ءتىزىمىن ۇسىنىپ وتىر. ساياسي بىرلەستىكتىڭ سايلاۋالدى تىزىمىندەگى ازاماتتاردىڭ اراسىندا عارىشكەر توقتار اۋباكىروۆ, پارتيانىڭ ليدەرى جارماحان تۇياقباي مەن پارتيانىڭ تەڭتوراعاسى بولات ءابىلوۆ جانە Guljan.org سايتىن شىعارۋشى گۇلجان ەرعاليەۆا, پارتيانىڭ باس حاتشىسى ءامىرجان قوسانوۆ بار.
بولات ءابىلوۆ ءوزىنىڭ سايلاۋالدى باسەكەدەگى مۇمكىندىگىن جوعارى باعالايدى. ال جالپى, جالپىۇلتتىق سوتسيال-دەموكراتيالىق پارتياسىنىڭ وكىلدەرى پارلامەنتتىڭ تومەنگى پالاتاسىنىڭ 2012 جىلدىڭ 15 قاڭتارىندا مەرزىمىنەن بۇرىن وتكىزىلەتىن سايلاۋىنا وزگەشە باعدارلامامەن, وزگەشە ۇسىنىستارمەن كەلەتىندەرىن جەتكىزدى. ولاردىڭ پىكىرلەرىنە سۇيەنەر بولساق, پارتيا ەڭ الدىمەن قوعامداعى الەۋمەتتىك ماسەلەلەردى شەشۋگە ايرىقشا ءمان بەرەدى. ماسەلەن, پارتيا ءوزىنىڭ سايلاۋالدى باعدارلاماسىنا ءسايكەس, ەڭ ءتومەنگى ءومىر ءسۇرۋ كورسەتكىشىن 70 مىڭ تەڭگەگە, ال زەينەتاقى مەن جاردەماقىنىڭ كولەمىن 3 ەسەگە دەيىن جوعارىلاتۋدى كوزدەيدى.
جسدپ مۇشەلەرى سونداي-اق ستراتەگيالىق تۇرعىدا ماڭىزى بار بارلىق كومپانيالاردى مەملەكەتتىڭ قاراماعىنا الۋ قاجەت دەپ ەسەپتەيدى. ياعني, ولاردىڭ ويلارىنشا, شارۋا قوجالىقتارى سالىقتان بوساتىلىپ, ال شاعىن جانە ورتا بيزنەسكە 5 جىل كولەمىندە سالىقتىق جەڭىلدىكتەر بەرىلۋى كەرەك».
الايدا, سەزد دەلەگاتتارى پارتيا باعدارلاماسىن تاعى دا جەتىلدىرۋ قاجەتتىگىن ايتىپ, داۋىس بەردى. ال پارتيا ليدەرلەرى الداعى پارلامەنت ءماجىلىسىنىڭ سايلاۋىنا «ازات» جالپىۇلتتىق سوتسيال-دەموكراتيالىق پارتياسى» اتىمەن ەمەس, بۇرىنعىشا جالپىۇلتتىق سوتسيال-دەموكراتيالىق پارتيا اتىمەن قاتىساتىندىقتارىن دا ايتتى. سوندىقتان ءبىز ساياسي كەڭەس قۇرىپ, بۇرىنعىداي جالپىۇلتتىق سوتسيال-دەموكراتيالىق پارتيا اتاۋىنا قايتادان كوشەتىن بولامىز. وسى جالپىۇلتتىق سوتسيال-دەموكراتيالىق پارتيا دەگەن اتاۋمەن پارلامەنت ءماجىلىسىنىڭ سايلاۋىنا بارامىز, دەدى جارماحان تۇياقباي.
پارلامەنت ءماجىلىسىن تاراتۋ جانە پارلامەنت ءماجىلىسىنىڭ سايلاۋىن مەرزىمىنەن بۇرىن وتكىزۋگە قاتىستى جارماحان تۇياقباي: – «پارلامەنت ءماجىلىسىنىڭ سايلاۋىن مەرزىمىنەن بۇرىن وتكىزۋدى قاجەتسىنەتىن كەزەكتەن تىس ماڭىزدى شارالار بار دەپ ويلامايمىن. مەنىڭ ويىمشا, بۇل ەلدەگى ساياسي كۇشتەردىڭ ۇزاقمەرزىمدى سايلاۋالدى باسەكەگە دايىن بولماۋىمەن بايلانىستىرىلۋى مۇمكىن. سول ارقىلى تەز ارادا مەرزىمىنەن بۇرىن سايلاۋالدى ناۋقانىن ۇيىمداستىرىپ, اقپارات كەڭىستىگىندە وزدەرىنىڭ مۇمكىندىكتەرىن جوعارى دەڭگەيدە پايدالانعىسى كەلەتىندەرى سەبەپتى بولۋى مۇمكىن. ەكىنشىدەن, الدىمىزدا داعدارىس كەلە جاتىر. ال ەكونوميكالىق داعدارىس بۇدان كەيىن ءتىپتى دە تەرەڭدەي تۇسەدى دەپ ويلايمىن», دەدى ج.تۇياقباي, سونىمەن قاتار, قوعام ىشىندە ايتارلىقتاي دەڭگەيدە الەۋمەتتىك الاڭداۋشىلىق تۋدىرماۋ ءۇشىن دە مەرزىمىنەن بۇرىن سايلاۋ وتكىزىلۋى مۇمكىن, دەپ سانايدى.
سونىمەن, جالپىۇلتتىق سوتسيال-دەموكراتيالىق پارتياسى مۇشەلەرى پارلامەنت ءماجىلىسىنىڭ 2012 جىلدىڭ 15 قاڭتارىندا وتەتىن سايلاۋىنا جان-جاقتى دايىندىق ۇستىندە.
«ەگەمەن-اقپارات».