شىمكەنتتە ادامدار ۋلانعان بالمۇزداق ءۇي جاعدايىندا جاسالعان. بۇل تۋرالى دەنساۋلىق ساقتاۋ مينيسترلىگى قوعامدىق دەنساۋلىقتى قورعاۋ كوميتەتىنىڭ حابارلاماسىندا ايتىلعان.
"دەنساۋلىق ساقتاۋ مينيسترلىگى قوعامدىق دەنساۋلىقتى قورعاۋ كوميتەتىنىڭ وڭتۇستىك قازاقستان بويىنشا دەپارتامەنتى شىمكەنتتەگى ادامداردىڭ جاپپاي ۋلانۋىن تەكسەرە باستادى. 2018 جىلدىڭ 29 ناۋرىزىنان 30-نا قاراعان ءتۇنى شىمكەنت اۋرۋحاناسىنا 61 ادام ۋلانۋ قاۋپى بويىنشا قارالدى. 41 ادام اۋرۋحاناعا جاتقىزىلدى (ونىڭ ىشىندە 20 بالا), 20 ادامعا امبۋلاتوريالىق ەم تاعايىندالدى. الدىن الا دياگنوز وتكىر ىشەك ينفەكتسياسى جانە تاعامدىق توكسيكوينفەكتسيا", - دەلىنگەن حابارلامادا.
ۋلانعان ادامداردىڭ بالمۇزداقتى رەسپۋبليكا داڭعىلىندا م. ەشمۇراتوۆا اتتى جەكە كاسىپكەرگە تيەسىلى ورىننان العانى ايتىلىپ وتىر. "الدىن الا مالىمەت بويىنشا بالمۇزداق قوسپاسى ءۇي جاعدايىندا دايىندالعان. وسىعان بايلانىستى تەكسەرىس جۇمىستارى باستالدى. ەشمۇراتوۆا ءوزىنىڭ كاسىبىن باستاعانىن مەملەكەتتىك ورگاندارعا حابارلاماعان. زارداپ شەككەندەرگە قاجەتتى كومەك كورسەتىلىپ جاتىر", - دەيدى ءباسپاسوز قىزمەتىنىڭ وكىلدەرى.
جاعداي دەنساۋلىق ساقتاۋ مينيسترىلگىنىڭ قاداعالاۋىندا. سونىمەن قاتار, شىمكەنتتىڭ ءال-فارابي اۋداندىق ءىىب بۇل دەرەككە قاتىستى ءىس قوزعادى.