«ەسىل» اۋدانىنىڭ اكىمى بولىپ 2008 جىلدىڭ ءساۋىر ايىنان بەرى «سارىارقا» اۋدانىن باسقارىپ كەلگەن ءسابيلا مۇستافينا تاعايىندالدى. ول 2008 جىلعى تامىزدان بەرى وسى قىزمەتتى اتقارعان قايرات جاڭابەرگەنوۆتى اۋىستىردى. ق.جاڭابەرگەنوۆ باسقا قىزمەتكە اۋىسۋىنا بايلانىستى قىزمەتىنەن بوساتىلدى.
«سارىارقا» اۋدانىنىڭ اكىمى بولىپ 2011 جىلعى قىركۇيەكتەن بەرى استانا قالاسىنىڭ ءماسليحات حاتشىسى بولعان ەرمەك وسپانوۆ تاعايىندالدى.
بۇل شەشىم استانا قالاسى اكىمىنىڭ ۇسىنىسى بويىنشا قازاقستان رەسپۋبليكاسى كونستيتۋتسياسىنىڭ 87-بابى جانە قازاقستان رەسپۋبليكاسى پرەزيدەنتىنىڭ «وبلىستىق, اۋداندىق ماڭىزداعى قالالار, رەسپۋبليكالىق ماڭىزى بار قالا مەن استاناداعى اۋداندار, اۋىلدار, اۋىل وكرۋگتەرىنىڭ اكىمدەرىن تاعايىنداۋ, قىزمەتىنەن بوساتۋ ءتارتىبى تۋرالى» جارلىعىنا سايكەس 2011 جىلعى 29 قاراشادا, سەيسەنبى كۇنى ەلوردالىق ءماسليحاتتىڭ كەزەكتەن تىس 74 سەسسياسىندا قابىلداندى.
س.مۇستافينانىڭ قازاقستاننىڭ كومسومول ۇيىمدارىندا, قازاقستان رەسپۋبليكاسىنىڭ ورتالىق مەملەكەتتىك ورگاندارىندا, استانا قالاسىنىڭ جەرگىلىكتى اتقارۋ ورگاندارىندا باسشىلىق لاۋازىمداردا قىزمەت ەتكەن ءۇلكەن تاجىريبەسى بار, دەپ اتاپ ءوتتى ەلوردا اكىمى يمانعالي تاسماعامبەتوۆ.
ونىڭ ايتۋىنشا, ە.وسپانوۆتىڭ كومسومول ۇيىمدارىندا, الماتى مەن استانا قالالارىنىڭ جەرگىلىكتى اتقارۋ ورگاندارىندا جيناقتاعان تاجىريبەسى مول. قالا اكىمى سونداي-اق اۋدان اكىمىنىڭ جۇمىسى وتە جاۋاپتى ءىس, دەپ اتاپ ءوتتى. مەن قايتادان تاعايىندالعان ارىپتەستەرىمە ساتتىلىك تىلەگىم كەلەدى. ولار بۇعان دەيىن جيناعان ءتاجىريبەلەرىن جاڭا مىندەتتەردى شەشۋ جولىندا قولدانۋلارى قاجەت.
«ەگەمەن-اقپارات».