نومىردە وسىنداي ايدار بويىنشا ءار جىلدارى «ەگەمەن قازاقستان» گازەتىن باسقارعان ازاماتتاردىڭ سوزدەرى بەرىلگەن. بۇل ماقالالار نەگىزىندە بەلگىلى ءبىر ساۋالدار بويىنشا ۇيىمداستىرىلعانى سەزىلەدى. ماسەلەن, گازەتتىڭ 1960-1969 جىلدارعى رەداكتورى بولعان كەڭەسباي ۇسەباەۆتىڭ ماقالاسى «اعالار ءىسى ۇلگى بولسىن» دەپ اتالسا, گازەتتى 1973-1983 جىلدارى باسقارعان ساپار بايجانوۆتىڭ ماقالاسى «ءار گازەتتىڭ ءوز داڭعىلى بولماس پا؟..» دەپ اتالعان. باسىلىمعا 1983-1986 جىلدارى رەداكتورلىق ەتكەن بالعابەك قىدىربەك ۇلىنىڭ ماقالاسى «قازىرگىدەي ەركىندىك جوق ەدى» دەگەن تاقىرىپپەن بەرىلگەن. 1987-1989 جىلدارعى باس رەداكتور كورىك دۇيسەەۆ ءوزى باسقارعان كەزدى «قيىن دا قىزىقتى جىلدار» دەپ ەسكە السا, 1989-1992 جىلدارعى باس رەداكتورى شەرحان مۇرتازا اعامىز ءوز لەبىزىن «ءۇش كۇندەي وتە شىققان ءۇش جىل» دەپ ەسكە الىپتى. ال 1992-93 جىلدارعى باس رەداكتور ءابىش كەكىلباەۆ اعامىز «گازەتكە ازاماتتىق سيپات قاجەت» دەپتى.