قوستاناي-تورعاي جەرىندە ۇلى اعارتۋشى ۇستاز ىبىراي ءالتىنساريننىڭ تۋعانىنا 170 جىل تولۋىنا بايلانىستى ءبىرسىپىرا شارالار ءوتتى. ونىڭ بارلىعى دا نەگىزىنەن ءبىلىم وشاقتارىندا ۇيىمداستىرىلدى. ارقالىق قالاسىنداعى ى.التىنسارين اتىنداعى پەداگوگيكا ينستيتۋتىندا «جاھاندانۋ جاعدايىندا ءبىلىم بەرۋدەگى ۇلتتىق تاعىلىم ماسەلەلەرى» تاقىرىبىندا رەسپۋبليكالىق عىلىمي-پراكتيكالىق كونفەرەنتسيا بولىپ ءوتتى. وعان ەلىمىزدىڭ بارلىق وبلىستارىنان پەداگوگ عالىمدار مەن مۇعالىمدەر قاتىسىپ, ەكى كۇن بويى بۇگىنگى ۇرپاق تاربيەلەۋ ءىسى جونىندە ويلارىن ورتاعا سالدى. التىنسارين تۋرالى شارالاردىڭ ءبىرسىپىراسىن وبلىس ورتالىعىنداعى ل.تولستوي اتىنداعى امبەباپ كىتاپحانا ورىس جانە قازاق مەكتەپتەرى ءۇشىن جەكە-جەكە وتكىزدى.
ۇلى ۇستازدىڭ مەرەيتويىنا بايلانىستى شارا وبلىستىق مادەنيەت جانە ءبىلىم بەرۋ باسقارمالارىنىڭ قولداۋىمەن قوستاناي قالاسىنداعى ىبىراي اتىنداعى دارىندى بالالارعا ارنالعان ورتا مەكتەپتە جالعاسىن تاپتى. ۇلى ۇستازدىڭ تۋعان جەرىنە ونىڭ ءوزىنىڭ ۇرپاقتارىنىڭ شاقىرىلۋى وسى شارانىڭ ەرەكشەلىگى بولدى دەسەك, ولار مەكتەپتەردە, كىتاپحانالاردا وتكەن شارالارعا قاتىستى. ءى.وماروۆ اتىنداعى قازاق دراما تەاترىنان ى.التىنسارين تۋرالى سپەكتاكلدى تاماشالادى.
ءنازيرا جارىمبەتوۆا,
قوستاناي.