ايماق باسشىسى قۇمار اقساقالوۆ «نازارباەۆ زياتكەرلىك مەكتەپتەرى» اق باسقارماسىنىڭ ءتورايىمى كۇلاش شامشيدينوۆامەن كەزدەستى.
پەتروپاۆل قالاسىنداعى «بەرەكە» ىقشام اۋدانىندا ورنالاسقان حيميا-بيولوگيا باعىتىنا مامانداندىرىلعان نازارباەۆ زياتكەرلىك مەكتەبىندە 597 وقۋشى وزىق ۇلگىدە ءبىلىم الادى. وقۋشىلاردىڭ 35 پايىزى اۋىلدىق جەرلەردەن.
قۇمار ىرگەباي ۇلى نازارباەۆ زياتكەرلىك مەكتەبىندە ءبىلىم الۋعا قۇشتار جاس ورەندەردىڭ قاتارى جىل ساناپ ارتىپ كەلە جاتقانىن جەتكىزدى. مەكتەپ تۇلەكتەرىنىڭ الەمنىڭ ۇزدىك ۋنيۆەرسيتەتتەرىندە ءبىلىم الىپ جۇرگەنى قۋانتادى. بيىل ءبىلىم ورداسىنا 10 جىل تولىپ وتىر.
ءوز سوزىندە باسقارما ءتورايىمى كۇلاش ءشامشيدينوۆا زياتكەرلىك مەكتەپتەرى الەمدىك تالاپتارعا ساي ءبىلىم بەرىپ جاتقانىن ەرەكشە اتاپ ءوتتى. وسى تاجىريبەنى ەندى ورتا ءبىلىم بەرەتىن مەكتەپتەرگە تاراتۋ مىندەتى تۇر. بۇل باعىتتا كەشەندى شارالار اتقارىلۋدا.
كەزدەسۋ سوڭىندا وبلىستىق اكىمدىك پەن «نازارباەۆ زياتكەرلىك مەكتەپتەرى» اراسىندا ءوزارا ىنتىماقتاستىق مەموراندۋمىنا قول قويىلدى.
مەموراندۋم ماقساتى بالالاردى تاربيەلەۋ جانە وقىتۋ, ءبىلىم بەرۋ ۇيىمدارىن باسقارۋ سالاسىندا "نازارباەۆ زياتكەرلىك مەكتەپتەرى" ۇيىمىنىڭ تاجىريبەسىن تاراتۋ, سونىمەن قاتار ايماقتا يننوۆاتسيالىق ءبىلىم بەرۋدى دامىتۋ باعىتىندا پەداگوگتاردىڭ كاسىبي دەڭگەيىن ارتتىرۋ بولىپ ەسەپتەلەدى.
ءومىر ەسقالي, «ەگەمەن قازاقستان»