قوستاناي مەملەكەتتىك پەداگوگيكالىق ينستيتۋتىنا ۋنيۆەرسيتەت مارتەبەسى بەرىلگەنى تۋرالى قازاقستان ۇكىمەتى جارلىققا قول قويدى.
ءبىلىم ورداسىنىڭ پروفەسسورلىق-وقىتۋشىلىق قۇرامى مۇعالىمدەردى دايارلاۋدى ساپالى جەتىلدىرۋدىڭ جۇيەسىن قالىپتاستىرۋ مىندەتىن شەشۋدە. سونىمەن قاتار وقۋ جوسپارلارى مەن وقۋ-تاربيە ءۇردىسىنىڭ بارلىق كەشەنىن جەتىلدىرۋ باعدارلاماسىن ءبىر جۇيەگە ءتۇسىرۋ ماسەلەلەرىمەن اينالىسىپ كەلەدى.
بۇگىندە ءبىلىم ورداسىندا 187 پروفەسسور-وقىتۋشىلار قۇرامى جۇمىس ىستەيدى. ولاردىڭ ىشىندە 4 پروفەسسور مەن عىلىم دوكتورلارى, 87 عىلىم كانديداتتارى, 4 PhD دوكتورالارى مەن ماگيسترلەر قىزمەت اتقارادى.
مەملەكەتتىك پەداگوگيكالىق ۋنيۆەرسيتەت ءبىلىم سالاسىنا بىلىكتى, زاماناۋي ماماندار دايىنداۋدى جالعاستىرادى.
ءنازيرا جارىمبەت,
«ەگەمەن قازاقستان»
قوستاناي