قازىرگى تاڭدا حالىقتىڭ ءال-اۋقاتىن كوتەرۋ ماسەلەسىنە ەرەكشە ماڭىز بەرىلىپ وتىر. سونىڭ ىشىندە ءاربىر ازاماتتى تولعاندىراتىن ماڭىزدى ماسەلە – پاتەر, تۇرعىن ءۇي.
ەلباسى ايتقان «7 – 20 – 25» باعدارلاماسى ىزگى باستاما ەكەنى انىق. وسىعان سايكەس, 7 پايىزدىق نەسيە بويىنشا باستاپقى سالىمنىڭ كولەمى 20 پايىزدى قۇراماق. نەسيەلەر 25 جىلعا دەيىن بەرىلەدى. مۇنداي باستاما حالىقتىڭ الەۋەتىن كوتەرۋگە باعىتتالعان. بۇل – ءاربىر وتباسىنا ۇلكەن دەمەۋ, ۇلكەن قولداۋ بولاتىنى انىق.
ەلدىڭ ەرتەڭ – جاستار! بىلىمگە بولىنەتىن قوسىمشا 20 مىڭ گرانت كەلەشەكتە ءاربىر جاستىڭ كىرپىش بولىپ قالانۋىنا ناقتى باستاما. قالا بەردى, جاتاقحانا ماسەلەسى شەشىمىن تاۋىپ, ستۋدەنتتەر 2022 جىلعا دەيىن 25 مىڭ ورىنمەن قامتاماسىز ەتىلمەك. مۇنىڭ ءبارى – ەرەكشە جاعداي.
حالىقتىڭ بيزنەس باستاۋىنا جاعداي جاساۋ ماقساتىندا شاعىن نەسيەنىڭ جالپى كولەمى ەكى ەسەگە كوبەيىپ وتىر. بۇل ءاربىر ىسكە مۇرىندىق بولاتىنداي باستاما. سوندىقتان بۇگىنگى كۇن تولقىنىسقا تولى, تاعدىرشەشتى كۇن دەسەك ارتىق ەمەس. مۇنى حالىققا جەتكىزىپ, حالىقتىڭ اراسىندا ءتۇسىندىرۋ جۇمىستارىن جۇرگىزۋ قاجەت. پارلامەنتكە بەرىلىپ وتىرعان تاپسىرما – وسى باستامالاردى زاڭمەن ۇشتاستىرۋ. ەلباسىنىڭ بەس باستاماسى حالىقتىڭ الەۋمەتى مەن الەۋەتىن كوتەرەتىن وڭدى باعىت دەپ ايتۋعا تولىق نەگىز بار.
باقىتگۇل حامەنوۆا,
ءماجىلىس دەپۋتاتى