قحر كونستيتۋتسياسىنا تۇزەتۋ ەنگىزۋ جوباسى ماقۇلداندى

«قازاقپارات» حاا قىتايداعى مەنشىكتى ءتىلشىسىنىڭ حابارلاۋىنشا داۋىس بەرۋگە 2 964 حالىق قالاۋلىلارى قاتىسقان جانە ونىڭ 2 958-ءى قىتاي كوممۋنيستىك پارتياسىنىڭ ورتالىق كوميتەتى ۇسىنعان كونستيتۋتسياعا تۇزەتۋلەردى ماقۇلداعان, 2 ادام قارسى شىعىپ, 3 داۋىس بەرۋدەن باس تارتقان جانە 1 بيۋللەتەن جارامسىز بولىپ شىققان.

جاڭا تۇزەتۋلەرگە سايكەس, مەملەكەتتىك قىزمەتشىلەر قىزمەتكە كىرىسەردە ەل كونستيتۋتسياسىنا قوعام الدىندا انت بەرەدى جانە قحر مەملەكەتتىك ورگاندار جۇيەسىن باقىلاۋ رەتىندە ۇلتتىق كوميسسيا ەنگىزىلەدى.

ال, تاريحي ءمانى بار نەگىزگى تۇزەتۋلەردىڭ ءبىرى - قحر توراعاسى مەن توراعا ورىنباسارىنا ەكى مەرزىمنەن ارتىق بيلىكتە بولۋىنا تىيىم سالاتىن 79-باپتاعى ءۇشىنشى تارماقتى الىپ تاستاۋ بولدى. بۇل قحر كوشباسشىسى سي تسزينپينگە 2023 جىلدان كەيىن دە بيلىك باسىندا قالۋىنا مۇمكىندىك بەرەدى.

ەسكە سالا كەتسەك, 25 اقپان كۇنى قكپ ورتالىق كوميتەتى ەل كونستيتۋتسياسىنا وزگەرىستەر ەنگىزۋ بويىنشا ۇسىنىس جاريالاعان بولاتىن.