پەتروپاۆلدا ورنالاسقان ەس 164/6 تۇزەتۋ مەكەمەسىندە جازاسىن وتەپ جاتقان ايەلدەر حالىقارالىق كوركەمونەر كونكۋرسىنا قاتىسىپ, توپ جاردى.
قىلمىستىق-اتقارۋ جۇيەسىنىڭ باسشىلىعى ءۇش ونەرپازدىڭ بىرنەشە سۋرەتىن ماسكەۋدە رەسەي, قازاقستان, ۋكراينا جانە بەلارۋس وكىلدەرىنىڭ قاتىسۋىمەن وتكەن بايقاۋعا جولداپ, جارىس قورىتىندىسىندا مەكەمە ءبىرىنشى ورىنعا لايىق دەپ تانىلدى. ءبىرىنشى ورىن سونداي-اق قۇداي انا بەينەسىندەگى «مەيىرىم» يكوناسى ءۇشىن وكسانا ۆويديلوعا بۇيىردى.
«پەتروپاۆل-بۋلاەۆ ەپارحياسىنىڭ ءدىني قىزمەتكەرى سەرفيم مەكەمەگە كەلگەن ساپارلارىنىڭ بىرىندە سوتتالعانداردىڭ كوركەمدىك شەبەرلىگىنە ەرەكشە نازار اۋدارىپ, ونىڭ حالىقارالىق پروۆاسلاۆتى كوركەمسۋرەت بايقاۋىنا قاتىسۋ تۋرالى ۇسىنىسى جەرگىلىكتى باسشىلىق تاراپىنان قولداۋ تاپتى. ۇزدىك شىعارمالاردى سەرافيم اكەي ءوزى اپاردى. حالىقارالىق بايقاۋدىڭ گراموتالارى مەن باعالى سىيلىقتارىن دا سالتاناتتى تۇردە تابىس ەتتى», دەيدى تاربيە جۇمىستارى ءبولىمىنىڭ جەتەكشىسى, ادىلەت مايورى تامارا پروكوفەۆا.
اتالمىش شارا تەك باس بوستاندىعىنان ايرىلعان ايەلدە اراسىندا ۇيىمداستىرىلىپ, 120-دان استام تۋىندا ساراپقا تۇسكەن. وكسانا بوستاندىقتىڭ ساف اۋاسىمەن تىنىستاپ جۇرگەندە سۋرەت سالۋمەن مۇلدەم شۇعىلدانباعان .تەمىر توردىڭ ار جاعىندا ەركىندىكتىڭ قادىرىن ءتۇسىنىپ, ...ىشكى جان تولقىنىسىن, تۋعان-تۋىسقاندارىنا دەگەن ساعىنىش سەزىمىن سۋرەت سالۋ ارقىلى باسقان. ونىڭ ايتۋىنشا, اۋليە انا, يسا پايعامبارلاردىڭ يكونالارىن جاساۋعا اناستاسيا سياقتى ارىپتەستەرى ۇلكەن جاردەم كورسەتكەن.
ءومىر ەسقالي.
«ەگەمەن قازاقستان».
سولتۇستىك قازاقستان وبلىسى.