بۇرمالانعان قۇجاتتىڭ الەگى

جاننا قۋانتايقىزى بۇعان دەيىن اقتوبە نوتاريالدىق وكرۋگى قۇرامىندا جەكە نوتاريۋس قىزمەتىن اتقارىپ كەلىپتى. سول ۋاقىتتا «بولاشاق ينۆەست» جشس عيماراتىنان وزىنە قاجەتتى كەڭسەنى جالعا الىپ ەڭبەك ەتكەن. مەنشىك يەلەرىمەن كەلىسىلگەن اي سايىنعى 35 مىڭ تەڭگە جالداۋ اقىسىن بەلگىلەنگەن ۋاقىتىندا تولەپ تۇرىپتى. ايتسە دە 2016 جىلدىڭ 10 قازانى كۇنى وعان اتالعان سەرىكتەستىك وكىلىنەن عيمارات ساتىلادى, سوندىقتان كەڭسەنى بوساتىڭىز دەگەن جازباشا حات تۇسەدى. ول بۇل تالاپتى ورىندايدى. دەگەنمەن جالگەرلىك اقى جانە قۇنى 35 مىڭ تەڭگە تۇراتىن ورتكە قارسى دابىل كوتەرەتىن قوندىرعىنى ءوز قاراجاتى ەسەبىنەن تولەپ ورناتقانى ءۇشىن 70 مىڭ تەڭگەنى قايتارىپ بەرۋىن سۇرايدى. الايدا «بولاشاق ينۆەست» جشس-ءنىڭ وكىلى جاننا ەسمۇرزاەۆانىڭ تالابىن ورىندامايدى. ولاردى سوتقا بەرۋگە تولىق مورالدىق قۇقىم بار ەدى. الايدا مۇنداي ارەكەتكە بارمادىم. ەڭ قىنجىلارلىعى, وسى سەرىكتەستىك ماعان قارىزدار بولا تۇرا, مەنىڭ ۇستىمنەن سوتقا نەگىزسىز تالاپ-ارىز جولداپتى. سونىڭ نەگىزىندە 26 كۇنگە ءوسىمى مەن ايىبىن قوسا ەسەپتەگەندە 42 585 تەڭگە ءوندىرۋ جونىندە سوت ۇيعارىمى شىقتى. ونى 2016 جىلدىڭ 1-26 قازانى ارالىعىندا تولەتتىرۋدى سۇراعان. ءبىر قىزىعى, ءتىپتى قىزىعى ەمەس-اۋ شىجىعى, بۇل كەزدە «بولاشاق ينۆەست» جشس اتال­عان جىلجىمايتىن نىساندى ساتىپ ۇل­گەرگەن-ءدى. وسى دەرەكتىڭ ءوزى ولاردىڭ سوت­قا جولداعان تالاپ-ارىزدارىنىڭ شىن­دىق­قا جاناسپايتىنىن كورسەتەدى. ءتىپتى اي سا­يىن­عى تيەسىلى جالگەرلىك اقىنى تولەگەنى جونىن­دەگى بانك كۆيتانتسيالارى قولىمدا تۇر ەمەس پە, دەيدى ول.

«بولاشاق ينۆەستتىڭ» قانداي قيتۇرقى ارەكەتكە بارعانىن وپ-وڭاي دالەلدەپ بەرە الامىن. سونىڭ ءبىر مىسالى – №91 ەسكەرتۋ حات. ولار حابارلاندىرۋ قاعاز سەكىلدى قىز­مەتتىك قۇجاتتاردا كورسەتىلگەن داتا­لاردى, ايلار مەن كۇندەردى بۇرمالاپ كورسەتكەن. كەيىننەن بەلگىلى بولعانىنداي, وسى بۇرمالانعان قۇجاتتار سوتقا جول­دان­عان. بۇل جونىندە مەنىڭ قولىمدا بۇل­تارت­پايتىن دەرەكتەر بار, دەي كەلە سول ساتتە جاننا قۋانتايقىزى سونىڭ ءبارىن قولى­مىزعا ۇستاتتى.

«بولاشاق ينۆەست» مەنى عانا سازعا وتىر­عىزۋمەن شەكتەلمەي, وزگە دە ازاماتتار­دى ءارى سوت ورگاندارىن دا الداۋدىڭ رە­تىن تاپتى دەگەن ويدامىن. ءسويتىپ مەن بۇر­مالانعان قۇجاتتىڭ قۇربانى بولىپ وتىر­مىن. وسى جانايقايىمدى سۋديالارعا دا ايت­تىم. قۇجاتتاردا ولاردىڭ ايلار مەن كۇن­دەردى قالاي اۋىستىرىپ كورسەتكەنى تايعا تاڭ­با باسقانداي ايقىن كورىنىپ تۇر. سوعان قارا­ماستان بۇل دالەلدەر ەسكەرىلمەدى, دەپ كۇيىن­ەدى جاننا قۋانتايقىزى.

البەتتە, اقتوبە وبلىستىق سوتى اپەل­ليا­­تسيالىق القاسىنىڭ شەشىمى بار. بىراق سوتتىڭ سوڭعى ساتىسىندا ازاماتشا جاننا ەسمۇرزاەۆانىڭ اتىنا ءوندىرىلدى دەپ ش­ەشىلگەن ايىپ سوماسى ءتىپتى ايتۋعا دا تۇ­ر­ماي­تىنداي, مۇلدەم از ەكەنىن دە ايتا كەتكەن ءجون.

تەمىر قۇسايىن,

«ەگەمەن قازاقستان»

اقتوبە