اتموسفەرالىق فرونتتاردىڭ وتۋىنە بايلانىستى 4 ناۋرىز كۇنى ەلىمىزدىڭ باسىم بولىگىندە قۇبىلمالى كۇن رايى ساقتالادى, كەي جەرلەردە جاۋىن-شاشىن جاۋادى. جەكەلەگەن اۋماقتاردا تۇمان, كوكتايعاق, جەلدىڭ كۇشەيۋى كۇتىلەدى, دەپ حابارلايدى «قازگيدرومەت».
اتاپ ايتقاندا, جامبىل وبلىسىنىڭ كەي جەرلەرىندە تۇمان, كوكتايعاق, 15-20 م/س جىلدامدىقتاعى جەلدىڭ ەكپىنى 23-28 م/س جەتۋى مۇمكىن.
وڭتۇستىك قازاقستان وبلىسىنىڭ كەي جەرلەرىندە تۇمان, تۇندە جانە تاڭەرتەڭ جەل 15-20 م/س دەيىن كۇشەيەدى. اتىراۋ وبلىسىنىڭ كەي جەرلەرىندە كۇندىز جەلدىڭ كۇشى 18 م/س بولادى.
باتىس قازاقستان, ماڭعىستاۋ وبلىستارىندا تۇمان, كۇندىز 15-20 م/س كۇشپەن جەل سوعادى. قىزىلوردا وبلىسىنىڭ كەي جەرلەرىن تۇمان باسىپ, تۇندە كوكتايعاق, 15-20 م/س جىلدامدىقتا جەل كۇتىلەدى.
قاراعاندى, تۇندە الماتى وبلىستارىندا - تۇمان, كوكتايعاق بولادى. اقمولا, قوستاناي, سولتۇستىك قازاقستان, پاۆلودار وبلىستارىندا, شىعىس قازاقستان وبلىسىنىڭ كەي جەرلەرىندە تۇندە جانە تاڭەرتەڭ تۇمان كۇتىلەدى.