قازاقستاننىڭ يننوۆاتسيالىق جەتىستىكتەرى ۇسىنىلدى

كورمەنىڭ اشىلۋ سالتاناتىنا قا­تىس­قان قازاقستان رەسپۋبليكاسى پرەمەر-ءمينيس­ترىنىڭ ورىنباسارى اسقار جۇماعاليەۆ ەلىمىز يننوۆاتورلارىنىڭ ستەندىنە جانە ۇسىنىلعان كونتسەپتسياعا جوعارى باعاسىن بەردى. ستەند جۇمىسىمەن كورمەنىڭ ال­عاش­قى ساعاتتارىنان باستاپ الەمدىك تەلەكوم­پانيالاردىڭ باسشىلارى, ازيا جانە ەۋروپا ءموبيلدى وپەراتورلارىنىڭ وكىلدەرى, باع­دارلامالىق جاساقتاما جانە قوندىرعىلار وندىرۋشىلەر, كونگرەسكە قاتىسۋشىلار تانىسا باستادى. جىل سايىن كورمەگە الەمنىڭ 200 ەلىنەن 100 مىڭعا جۋىق ادام جينالادى. اتالعان شا­را ءموبيلدى جانە تسيفرلى تەحنولوگيا­لار سالاسىندا ايتۋلى بولىپ تابىلادى, ول ترەندتەر مەن يننوۆاتسيالىق شەشىمدەردى ۇسىناتىن الەمدىك الاڭ مىندەتىن اتقارادى. كومپانيالار ءداستۇرلى تۇردە جاڭا گادجەتتەردى, قوسىمشالاردى, قوندىرعىلار مەن تەحنولوگيالىق شەشىمدەردى ۇسىنىپ كەلەدى.

كورمەدە قازاقستان ستەندى مەن تەحنو­لوگيالىق جەتىستىكتەرىن ءىرى مۋلتيسەرۆيس وپە­راتورى «قازاقتەلەكوم» اق ۇسىندى. كوم­­­پانيا باسشىسىنىڭ ايتۋىنشا, 4 كۇن بويى ماڭىزدى ستراتەگيالىق جانە ىس­كەر­لىك كەزدەسۋلەرىن, ءموبيلدى جانە يننو­ۆا­­تسيا­لىق تەحنولوگيالار سالاسىنداعى حالىق­ارا­لىق ليدەرلەرمەن كەلىسسوزدەر وتكىزۋدى ۇيىم­داستىرۋ جوسپارلانعان.

 كورمەگە قاتىسۋشىلار قازاقستاندا smart home, smart city تۇجىرىمدامالارى اياسىندا ەنگىزىلىپ جاتقان اقپاراتتىق كوممۋنيكاتسيالار سالاسىنداعى يننوۆاتسيالىق سەرۆيستەرمەن جانە تەحنولوگيالارمەن, اتاپ ايتقاندا, جىلۋ ەنەرگياسىنىڭ داتچيكتەرى, ەنەرگيا جانە سۋدى تۇتىنۋدى ۇيىمداستىرۋ سحەمالارى مەن جۇيەلەرى, قالاداعى جارىق جانە اۆتوتۇراقتار داتچيكتەرى, بەينەباقىلاۋ جۇيەلەرى سياقتى كوپتەگەن جوبالارمەن تانىسۋ مۇمكىندىگىنە يە. بۇدان تىس, ستەند قوناقتارىنا قازاقستاننىڭ وپەراتوردىڭ ينفراقۇرىلىمى, تەحنولوگيالىق جەلىلەرى, ەلدىڭ ەرەكشە تابيعات لاندشافتىلارى مەن كورنەكى جەرلەرى كورسەتىلگەن بىرەگەي ۆيرتۋالدى كارتاسى ۇسىنىلدى.

«ەگەمەن-اقپارات»