2018 جىلعى 23 قاڭتاردا امستەردام قالاسى وكرۋگتىك سوتى Bank of New York Mellon بانكىنىڭ كاستوديالدىق ساقتاۋىنداعى ۇلتتىق قوردىڭ اكتيۆتەرىنەن شەكتەۋدى جويۋ جونىندەگى قازاقستان رەسپۋبليكاسى ۇلتتىق بانكىنىڭ ءوتىنىشحاتىن قاناعاتتاندىردى. بۇل تۋرالى ادىلەت مينيسترلىگىنىڭ ءباسپاسوز قىزمەتى حابارلادى.
سوت ۇلتتىق بانكتىڭ جانە پروتسەستە ءۇشىنشى تاراپ رەتىندە قاتىسقان قازاقستان رەسپۋبليكاسى ادىلەت مينيسترلىگىنىڭ ۇستانىمىن مويىنداپ, ۇلتتىق قورعا قول سۇعىلمايتىنداعىن مالىمدەدى.
"نيدەرلاندىنىڭ سوت ورگاندارى بۇدان بۇرىن ستاتيگە ءدال وسى اكتيۆتەرگە شەكتەۋ قويۋدان باس تارتقان بولاتىن. ستاتي بۇل فاكتىلەردى جاسىرا وتىرىپ, سوتتى جاڭىلىستىرعان. سونىمەن قاتار, سوت ستاتيگە قازاقستاندىق تاراپقا سوت شىعىندارىن وتەۋىن ۇيعاردى. بەلگيانىڭ سوت ورگاندارى دا وسىنداي الدىن الا شەكتەۋ قويدى. وعان شاعىم جاساۋ جونىندەگى جۇمىس بەلگىلەنگەن تارتىپتە جالعاستىرىلۋدا", دەپ حابارلايدى ادىلەت مينيسترلىگىنىڭ ءباسپاسوز قىزمەتى .