ەلباسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىن ءتۇسىندىرۋ جانە ىسكە اسىرۋ جونىندەگى جيىندا باتىس قازاقستان وبلىسىنىڭ اكىمى التاي كولگىنوۆ وسىلاي دەپ مالىمدەدى.
- ءوندىرىس وشاقتارىنىڭ دەنى قازىردىڭ وزىندە ماتەريالدىق-تەحنيكالىق تۇرعىدا مودەرنيزاتسيالاپ, ءوندىرىس كولەمىن ۇلعايتۋدى كوزدەپ وتىر. ءبىزدىڭ وڭىرىمىزدە قولعا الىنعان فيندىك تەحنولوگيالاردى ودان ءارى دامىتىپ, قۇرىلىس سالاسىنا كەڭ كولەمدە ەنگىزۋدى قامتاماسىز ەتەمىز. ەكسپو-2017 حالىقارالىق كورمەسىنىڭ الاڭىندا بولعان كەلىسسوزدەردىڭ ناتيجەسىندە قول جەتكىزىلگەن جاڭا تەحنولوگيالار جاسىل ەكونوميكاعا مۇمكىندىك اشادى. ورال قالاسىنداعى تۇرمىستىق قاتتى قالدىقتاردى قايتا وڭدەۋ جۇمىستارى جۇزەگە اسىرىلادى. سونىمەن قاتار, وبلىس ورتالىعىن جارىقتاندىرۋدا قولدانىلعان ەنەرگيا ۇنەمدەۋشى شامداردى الداعى ۋاقىتتا دا كەڭىنەن پايدالاناتىن بولامىز. مىسال ءۇشىن ايتار بولساق, ەۆرازيا داڭعىلىنىڭ بويىنا قويىلعان شامدار بىزگە ەنەرگيا كوزدەرىن 42 پايىزعا دەيىن ۇنەمدەۋگە مۇمكىندىك بەردى, - دەدى ءوز سوزىندە ءوڭىر باسشىسى.
مەملەكەت باسشىسى جولداۋىندا «2018 جىل - ەلوردامىز استانانىڭ 20 جىلدىعىن اتاپ وتەتىن مەرەيتويلى جىل» ەكەنىن ءمالىم ەتكەن ەدى. استانانىڭ تاجىريبەسى نەگىزىندە «سمارت سيتي» «ەتالوندى» ستاندارتى ورال قالاسىندا دا قالىپتاسىپ كەلەدى. «اقىلدى قالالار» وڭىرلىك دامۋدىڭ, يننوۆاتسيانى تاراتۋدىڭ جانە ەلىمىزدىڭ بارلىق اۋماعىندا تۇرمىس ساپاسىن ارتتىرۋدىڭ لوكوموتيۆتەرىنە اينالاتىنى ءسوزسىز. ءبىزدىڭ ورال قالاسىندا سمارت-سيتي پرينتسيپتەرىنە سايكەستەندىرۋگە تولىق مۇمكىندىكتەرىمىز بار. العاشقى قادامدارى رەتىندە قالادا ورناتىلىپ جاتقان بەينە باقىلاۋلاردى, قالا ەمحانالارىنىڭ ەلەكتروندى تابلولارمەن جابدىقتاندىرىلۋىن, اۋرۋحانالاردىڭ قاعازباستىلىقتان ارىلۋعا باعىتتالعان جاڭا جوبالارىن ايتۋعا بولادى» دەيدى التاي كولگىنوۆ.
اكىمنىڭ ايتۋىنشا, 2018 جىلى وڭىردە جاڭا تەحنولوگيانى قولدانۋ ارتىپ, IT-سالاعا ەرەكشە كوڭىل بولىنبەك. سمارت سيتي جوباسى بويىنشا جاڭادان 30 جوبانى ىسكە قوسۋ جوسپارلانعان. اكىمنىڭ ايتۋىنشا, 2018 جىلى وڭىردە جاڭا تەحنولوگيانى قولدانۋ ارتىپ, IT-سالاعا ەرەكشە كوڭىل بولىنبەك. سمارت سيتي جوباسى بويىنشا جاڭادان 30 جوبانى ىسكە قوسۋ جوسپارلانعان. جاڭا تۇجىرىمداما بويىنشا جول بويىنا, دالىزدەرگە, مەكتەپتەر مەن بالاباقشالارعا 6 مىڭنان اسا بەينەكامەرا ورناتۋ قولعا الىنعان ەدى, ەندى وعان قوسىمشا تاعى 1,5 مىڭ كامەرا قويىلادى. مۇنىڭ ءبارى قاۋىپسىزدىك ءۇشى قىزمەت ەتەدى.
ورالدىقتار infobus.kz سايتىنان قالاداعى قوعامدىق كولىكتەردىڭ قوزعالىسىن باقىلاي الادى, ونىڭ ۇستىنە SMS-BUS جۇيەسى ارقىلى اقى تولەيدى. جاقىندا جاڭا تۋعان ءسابيدىڭ كۋالىگىن ونلاين-قىزمەت ارقىلى الۋعا بولاتىن جۇيە ىسكە قوسىلدى. ورال قالاسىنداعى بارلىق ەمحانادا ەلەكتروندى كەزەك ىسكە قوسىلعان. «جەدەل جاردەم» قىزمەتىندە جاسالعان جاڭعىرتۋدىڭ ناتيجەسىندە دارىگەرلىك كومەكتىڭ ناۋقاسقا جەتۋى 3 مينۋتقا دەيىن قىسقارعان. وبلىس ورتالىعىنداعى بارلىق 39 مەديتسينالىق مەكەمەدە دارىگەرلىك اقپاراتتىق جۇيە ىسكە قوسىلدى.
التاي كولگىنوۆتىڭ ايتۋىنشا «اقىلدى تەحنولوگيا» قالاعا عانا قامالماي, اۋىلعا دا بارۋى ءتيىس. ويتكەنى ول – اگروونەركاسىپ كەشەنىن قارقىندى دامىتۋ مۇمكىندىگى.
- اۋىلشارۋاشىلىعىنىڭ العا قادام باسۋى ءۇشىن اگرارلىق ۋنيۆەرسيتەتتەردە وقۋ باعدارلاماسى جاڭارتىلادى. عىلىممەن اينالىساتىن ماماندار دايىندالادى. جاڭا تەحنولوگيالار مەن بيزنەس-مودەلدەر ەنگىزىلەدى. بۇل تۇرعىدا بىزدە جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ الەۋەتى زور. ەلباسىنىڭ تاپسىرماسى بويىنشا 5 جىل ىشىندە اگروونەركاسىپ كەشەنىندەگى ەڭبەك ونىمدىلىگى جانە وڭدەلگەن اۋىل شارۋاشىلىعى ءونىمنىڭ ەكسپورتى, كەم دەگەندە 2,5 ەسەگە ارتۋى قاجەت. بىلتىر ءبىز اۋىلشارۋاشىلىعى ونىمدەرىنىڭ ەكسپورتتاۋ بويىنشا بىرقاتار جۇمىستاردى جۇزەگە اسىردىق. يران ەلىنە تاسىمالدانعان مارقا ەتتەرىن ايتۋعا بولادى. بيىل دا وسى قارقىندى تومەندەتپەي, جاڭا تەحنولوگيالاردى ەنگىزە وتىرىپ جۇمىستاردى اتقارامىز. يندۋستريالاندىرۋ كۇنى ەلباسىنىڭ الدىندا اشىلعان جىلىنا 7 مىڭ توننا قۇس ەتىن وندىرەتىن فابريكانىڭ, «كۋبلەي» جانە «جەلاەۆ» ماكارون ءوندىرۋ كاسىپورىندارىنىڭ ەۆروپالىق مەملەكەتتەردەن الىنعان قۇرىلعىلار ارقىلى تەحنيكالىق تۇرعىدا مودەرنيزاتسيالانعانىن اتاپ وتۋگە بولادى. وسى سالاداعى وزگە كاسىپورىندار دا وسىلاي جاڭعىرۋدى قولعا الۋى ءتيىس, - دەدى وبلىس اكتيۆىنىڭ الدىندا ءوڭىر باسشىسى.
بۇل جيىندا باتىس قازاقستان وبلىسى اكتيۆى الدىندا ورال قالاسىنىڭ اكىمى مۇرات مۇقاەۆ, «ورال ترانسفورماتور زاۋىتى» ديرەكتورى اقجول ساۋرانباەۆ, ناازارباەۆ زياتكەرلىك مەكتەبى ديرەكتورىنىڭ حالىقارالىق ورىنباسارى روككو ۋوررەن جانە باسقالارى ءسوز سويلەپ, ەلباسى جولداۋىنان تۋىندايتىن مىندەتتەردى جۇزەگە اسىرۋدىڭ تەتىكتەرى تۋرالى ويلارىن ورتاعا سالدى.
قازبەك قۇتتىمۇرات ۇلى
«ەگەمەن قازاقستان»
سۋرەتتى تۇسىرگەن تەمىربولات توقمامبەتوۆ