قازاقستان رەسپۋبليكاسى پارلامەنتى سەناتىنىڭ توراعاسى ق.توقاەۆ قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ اقش-قا ساپارى تۋرالى ءوزىنىڭ تۆيتتەردە جاريالانعان جازباسىندا «پرەزيدەنت ن.نازارباەۆتىڭ اق ۇيدەگى كەلىسسوزدەرى ەكىجاقتى ىنتىماقتاستىقتى دامىتۋ جانە حالىقارالىق جاعداي جونىندەگى قازاقستان مەن اقش كوزقاراستارىنىڭ ۇقساستىعىن كورسەتتى. ترامپ قازاقستاننىڭ كورەي تۇبەگىن يادرولىق قارۋسىزداندىرۋ جونىندەگى ارىپتەسى ەكەنىن ايتتى. ساپاردىڭ تاريحي ماڭىزى اسا زور!» دەپ جازدى.
سونداي-اق جوعارعى پالاتانىڭ توراعاسى «ۆاشينگتون پرەزيدەنت ن.نازارباەۆتى جىلى شىرايمەن قابىلدادى جانە د.ترامپ ونىڭ «زور قۇرمەتكە يە كوشباسشى» ەكەنىن ايتتى. ءوز ەلىندە دە, حالىقارالىق قوعامداستىقتا دا ەڭبەك سىڭىرگەن قازاقستان كوشباسشىسىنا لايىقتى باعا بەرىلدى» دەپ اتاپ ءوتتى دەلىنگەن قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتىنىڭ مالىمدەمەسىندە.