پارلامەنت ءماجىلىسىنىڭ دەپۋتاتتارى ايقىن قوڭىروۆ, رومان كيم, شاكير حاحازوۆ وبلىستىق قازاقستان حالقى اسسامبلەياسىندا بولعان كەزدەسۋدە ەلباسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىنىڭ ءمان-ماڭىزىن بايانداپ بەردى.
جيىندى اسسامبلەيا حاتشىلىعىنىڭ مەڭگەرۋشىسى نايل ساليموۆ اشىپ, ەل ومىرىندە بىرەگەي قوعامدىق ينستيتۋت رەتىندە قالىپتاسقان قازاقستان حالقى اسسامبلەياسىنىڭ ساياسي تۇراقتىلىقتى نىعايتۋ جولىنداعى رولىنە توقتالىپ ءوتتى.
ايقىن قوڭىروۆ ءوز سوزىندە تاريحي قۇجاتتاعى جۇرتشىلىق نازارىنا ۇسىنىلعان ماڭىزدى مىندەتتەردى ايتىپ بەردى. «بارلىق سالالار بويىنشا ىلگەرىلەۋدىڭ العىشارتتتارى بار. پرەزيدەنت دامۋدىڭ جاڭا ساپاسىنا جەتۋدىڭ ۇزاقمەرزىمدى ماقساتتارىن بەلگىلەپ بەردى. الدا تۇرعان باستى تالاپ – وركەنيەتتى مەملەكەتتەردىڭ قاتارىنا قوسىلۋ. ول ءۇشىن شەشىمىن كۇتكەن ماسەلەلەردى تياناقتى شەشە ءبىلۋدىڭ ماڭىزى زور. الەمنىڭ كوشباسشى ەلدەرى تاجىريبەسىندە يندۋستريالاندىرۋعا يننوۆاتسيالىق سيپات بەرۋ, تسيفرلاندىرۋ جونىندەگى پيلوتتىق جوبالارعا سۇيەنۋ, كەشەندى اقپاراتتىق-تەحنولوگيالىق پلاتفورمالاردى بەلسەندى تۇردە ەنگىزۋ – قالىپتى جايت. ءبىز دە وسى ءۇردىس اياسىندا بيىك بەلەستەرگە كوتەرىلۋ مىندەتتەرىن قويىپ وتىرمىز», – دەدى ول.
شاكير حاحازوۆ ءبىلىم سالاسىنداعى جۇزەگە اسىرىلىپ جاتقان رەفورمالار جالعاسىن تاباتىنىنا, ءبىلىم بەرۋدىڭ بارلىق دەڭگەيىندە ماتەماتيكا جانە جاراتىلىستانۋ عىلىمدارىن وقىتۋ ساپاسى كۇشەيتىلەتىنىنە جينالعانداردىڭ نازارىن اۋداردى. مۇعالىمدەرگە تولىققاندى الەۋمەتتىك جاعدايلار جاساۋمەن قاتار ۇستازدىق مارتەبەنى كوتەرۋ العى شارت سانالاتىنىن العا تارتتى.
«Urpag» قازاق مادەني-اعارتۋشىلىق ورتالىعىنىڭ ءتورايىمى گۇلباقشا مۇساباەۆانىڭ ايتۋىنشا, تاريحي قۇجات ۇلتتىق سانانى جاڭعىرتۋ قاعيداتتارىن ودان ءارى جۇيەلى جۇرگىزۋگە ۇمتىلدىرادى. بۇگىنگى كۇنى وزىق تەحنولوگيالىق ۇدەرىستەردى جاستارىمىز ەرەكشە سەزىنىپ وتىر. سوندىقتان ءبىلىم بەرۋدىڭ جاڭا ساپاسىنا كوشۋ ۋاقىت تالابىنان تۋعان ومىرشەڭ وزگەرىس بولىپ تابىلادى. «كەنترون» ارميان ەتنومادەني بىرلەستىگىنىڭ توراعاسى گەۆورك گەۆوركيان قوعامدىق ءتارتىپتى ساقتاۋ جانە قاۋىپسىزدىكتى قامتاماسىز ەتۋ ماقساتىمەن كوشەلەردە, ادامدار كوپ جينالاتىن قوعامدىق ورىنداردا ورناتىلعان بەينەباقىلاۋ قوندىرعىلارى ءوزىن-ءوزى اقتاعان جۇيەگە اينالعانىن ايتا كەلىپ, جول-كولىك پاترۋلدىك قىزمەت وكىلدەرى كولىك جۇرگىزۋشىلەردى نەگىزسىز توقتاتپاسا ەكەن دەگەن تىلەگىن جەتكىزسە, ارداگەر ۇستاز رايسا پوليششۋك تاريحي قۇجات «قازاقستان-2050» ستراتەگياسىنىڭ, «100 ناقتى قادام» ۇلت جوسپارىنىڭ زاڭدى جالعاسى سانالاتىنىن ناقتى مىسالدارمەن تۇيىندەدى.
حالىق قالاۋلىلارىنىڭ قوعامدىق قابىلداۋىندا جەكەلەگەن ازاماتتاردىڭ ءوتىنىش-ۇسىنىستارى مۇقيات تىڭدالىپ, شەشۋ جولدارى بەلگىلەندى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى