پرەزيدەنت نۇرسۇلتان نازارباەۆتىڭ اقش-قا رەسمي ساپارى اياسىندا دونالد ترامپپەن كەزدەسۋى الەمدىك بۇقارالىق اقپارات قۇرالدارىندا كەڭ كورىنىس تاپتى. نازارلارىڭىزعا شەتەل باسىلىمدارىندا جاريالانعان ماقالالاردىڭ ىقشامدالعان مازمۇنىن ۇسىنامىز.
قازاقستان پرەزيدەنتى نۇرسۇلتان نازارباەۆ ۆاشينگتونعا رەسمي ساپارمەن كەلىپ, اق ۇيدە دونالد ترامپپەن كەزدەستى. ەكى پرەزيدەنت اقش پەن قازاقستان اراسىنداعى سترتەگيالىق ارىپتەستىكتى دامىتۋعا كەلىستى. كەزدەسۋدە ساۋدا مەن ينۆەستيتسيا سەكىلدى ەكونوميكالىق ماسەلەلەر, اۋعانستانداعى سوعىس پەن يادرولىق قارۋ تۋرالى تاقىرىپتار ايتىلدى.
نۇرسۇلتان نازارباەۆ اقش-تىڭ ساۋدا-وندىرىستىك پالاتاسىنداعى دوڭگەلەك ۇستەلگە قاتىسىپ, قازاقستاننىڭ تەحنيكالىق جاڭعىرۋى تۋرالى سويلەسەتىنىن ايتتى. سونىمەن قاتار ول 20 كوممەرتسيالىق كەلىسىمشارتقا قول قويدى. ونىڭ ىشىندە ورتالىق ازيادا بۇرىننان جۇمىس ىستەپ كەلە جاتقان Chevron, ExxonMobil, General Electric جانە Boeing كومپانيالارىنىڭ اتى اتالعان.
Associated Press: ترامپ قازاقستان پرەزيدەنتىمەن سولتۇستىك كورەيانىڭ يادرولىق قاۋپىن تالقىلادىاقش پرەزيدەنتى دونالد ترامپ قازاقستان پرەزيدەنتى نۇرسۇلتان نازارباەۆپەن بىرىگىپ سولتۇستىك كورەيانىڭ يادرولىق قارۋىنىڭ الەمگە قاۋىپ توندىرمەۋىنە قارسى بىرلەسىپ كۇرەسەتىنىن جەتكىزدى.
كەزدەسۋ بارىسىندا دونالد ترامپ قازاقستان اقش-تىڭ ماڭىزدى سەرىكتەسى ەكەنىن اتاپ ءوتتى.
نۇرسۇلتان نازارباەۆ قازاقستاننىڭ الەمدەگى ەڭ ءىرى يادرولىق ارسەنالدان باس تارتقانىن ەسكە الدى. ونىڭ ايتۋىنشا, قازىر قازاقستان يراننىڭ يادرولىق باعدارلاماسىن توقتاتۋ تۋرالى كەلىسسوزدەر جۇرگىزىپ جاتىر. سونىمەن قاتار قازاقستان پرەزيدەنتى اقش-پەن ديپلوماتيالىق رەسمي قارىم-قاتىناسى جوق سولتۇستىك كورەيا مەن امەريكا اراسىندا دەلدال بولا الاتىنىن دا اتاپ ءوتتى.
كەزدەسۋ بارىسىندا نۇرسۇلتان نازارباەۆ ترامپتىڭ پرەزيدەنت بولىپ سايلانۋىنا 1 جىل تولۋىمەن قۇتتىقتادى.
XinhuaNet: اقش پەن قازاقستان ستراتەگيالىق ارىپتەستىكتى دامىتپاقاقش پرەزيدەنتى دونالد ترامپ پەن قازاقستان پرەزيدەنتى نۇرسۇلتان نازارباەۆ ەكى مەملەكەت ححى عاسىرداعى ءوزارا ستراتەگيالىق ارىپتەستىكتى ودان ءارى دامىتۋعا مۇددەلى ەكەنىن ايتتى. ونىڭ ىشىندە ەكى ەل قاۋىپسىزدىك, ساۋدا, ينۆەستيتسيا, حالىقارالىق قاتىناستار بويىنشا ساياسي قارىم-قاتىناستى نىعايتپاق.
سونىمەن قاتار ەكى مەملەكەت ورتالىق ازياداعى پروبلەمالاردى بىرلەسىپ شەشۋ تۋرالى كەلىستى.
اق ءۇيدىڭ حابارلاۋىنشا, پرەزيدەنتتەر ەكسترەميزم مەن تەرروريزمگە قاتىستى كۇرەستە دە سەرىكتەستىك قارىم-قاتىناستى دامىتادى.
Bloomberg: SoHo Hotel قازاقستان قارجىسىنا سالىنعان با؟دونالد ترامپ قازاقستان پرەزيدەنتى نۇرسۇلتان نازارباەۆپەن كەزدەسۋ بارىسىندا Trump SoHo قوناق ۇيىنە قازاقستاننان ينۆەستيتسيا تارتىلعان-تارتىلماعانىن بىلمەيتىنىن ايتتى. سونىمەن قاتار دونالد ترامپ قازاقستان پرەزيدەنتىمەن اق ۇيدە كەزدەسۋ بارىسىندا ونى ەرەكشە قۇرمەتتەيتىنىن ايتتى.
ترامپ 2000 جىلدارى قازاقستاندىق بيزنەسمەن باسقاراتىن Bayrock Group LLC كومپانياسىمەن جۇمىس ىستەگەن.
46 قاباتتى كوندومينيۋم 2006 جىلى اشىلىپ, 2007 جىلدان باستان ساتىلعان. بىلتىر عيماراتتىڭ Trump Organization ليتسەنزيالىق كەلىسىمىن CIM Group جىلجىمايتىن م ۇلىك كومپانياسى ساتىپ العان. سول كەزدە Trump برەندى الىنىپ, Dominick Hotel رەتىندە جۇمىس ىستەي باستاعان.
Reuters: قازاقستان Boeing ۇشاقتارىن ساتىپ الىپ, GE جاڭا لوكوموتيۆتەرىن قۇراستىرادىقازاقستان پرەزيدەنتى نۇرسۇلتان نازارباەۆ اقش-تىڭ بىرنەشە كومپانياسىمەن 7,5 ملن دوللار كولەمىندە 20 كەلىسىمشارتقا قول قويدى. ونىڭ ىشىندە ورتالىق ازياعا ۇشاق پەن لوكوموتيۆ جەتكىزۋ تۋرالى كەلىسىم دە بار.
"كەلىسىمشارت ىشىندە Boeing ۇشاقتارىن الۋ, قازاقستاندا General Electric كومپانياسىنىڭ 900 لوكوماتيۆىن قۇراستىرۋ قاراستىرىلعان", دەدى نۇرسۇلتان نازارباەۆ اق ۇيدەگى كەزدەسۋدە. ونىڭ ايتۋىنشا, كەلىسىمشارتتاردىڭ كوپ بولىگى اۋىل شارۋاشىلىق سەكتورىنا قاتىستى.
The Wall Streat Journal: ترامپ اق ۇيدە قازاق پرەزيدەنتىمەن كەزدەستىدونالد ترامپ قازاقستان پرەزيدەنتىنە سولتۇستىك كورەيانىڭ يادرولىق قارۋ باعدارلاماسىنا قارسى كۇرەستە قولداۋ بىلدىرگەنى ءۇشىن العىس ايتتى. سونىمەن قاتار كەزدەسۋدە اقش پرەزيدەنتى ەكى مەملەكەت اراسىنداعى قارىم-قاتىناستىڭ جوعارى دەڭگەيدە ەكەنىن جەتكىزدى. تۇسكى استان بۇرىن ەكى پرەزيدەنت جۋرناليستەرگە بىرلەسكەن مالىمدەمە جاسادى.
قازاقستان پرەزيدەنتى اق ۇيگە بۇعان دەيىن 2006 جىلى كەلگەن.
ترامپ اقش پەن قازاقستاننىڭ ايماقتاعى بەيبىتشىلىك پەن قاۋىپسىزدىكتى نىعايتۋ ءۇشىن بىرلەسىپ جۇمىس ىستەپ جاتقانىن ايتتى. سونداي-اق بۇۇ قاۋىپسىزدىك كەڭەسىنىڭ توراعالىعىن باستاعان قازاقستانعا اقش-تىڭ اۋعانستانداعى كۇشتەرىنە جانە سولتۇستىك كورەيانىڭ يادرولىق قارۋ باعدارلاماسىنا قارسى كۇرەستە قولداۋ بىلدىرگەنى ءۇشىن العىس ءبىلدىردى.
نۇرسۇلتان نازارباەۆ كەڭەس وداعى قۇلاعان كەزدە قازاقستاننىڭ يادرولىق قارۋدان باس تارتقانىن, قازاق حالقى يادرولىق قارۋعا بايلانىستى تاقىرىپتاردى تالقىلاۋعا مورالدىق قۇقىعى بار ەكەنىن ايتتى. سونىمەن قاتار قازاقستان پرەزيدەنتى اقش پەن رەسەي قارىم-قاتىناسىنىڭ ديناميكاسىن ءجىتى باقىلاپ وتىرعانىن جەتكىزدى.
دونالد ترامپ نۇرسۇلتان نازارباەۆتىڭ قازاقستان ەكونوميكاسىن نىعايتۋ ارەكەتتەرىن, 2050 جىلعا دەيىن ەكونوميكاسى دامىعان الەمنىڭ توپ-30 ەلدەرىنىڭ قاتارىنا قوسىلۋ جوسپارىن قولدايتىنىن ايتتى. ال قازاقستان پرەزيدەنتى اقش سالىق كودەكسىندەگى وزگەرىستەردى قولدايتىنىن ايتىپ, "مەن مۇنداي وزگەرىستەردى 5 جىل بۇرىن جاساعانمىن" دەپ اتاپ ءوتتى.
VOA News: ترامپ قازاقستان پرەزيدەنتىمەن سولتۇستىك كورەيا تۋرالى سويلەستىۆاشينگتونعا رەسمي ساپارمەن كەلگەن نۇرسۇلتان نازارباەۆ اقش-پەن گەوساياسي جانە ەكونوميكالىق بايلانىستاردى نىعايتۋ كەرەكتىگىن ايتتى.
اتلانت كەڭەسىنىڭ عىلىمي قىزمەتكەرى ك.مەركەلدىڭ ايتۋىنشا, دونالد ترامپ پەن نۇرسۇلتان نازارباەۆتىڭ ورتاق تاقىرىپتارى كوپ. "قازاقستان تاۋەلسىزدىك العان 26 جىلدىڭ ىشىندە ورتالىق ازياداعى بۇرىنعى كەڭەس وداعىنا مۇشە بولعان ەلدەر اراسىندا ەڭ ستراتەگيالىق جانە ەكونوميكالىق ماڭىزدى مەملەكەتكە اينالدى. باسقا 5 مەملەكەتكە قاراعاندا, قازاقستاندا جاعداي تۇراقتى. سونىمەن قاتار بۇل مەملەكەت كومىرسۋتەگىنە باي جانە قازاقستان جاستاردىڭ بىلىمىنە كوپ كوڭىل بولەدى", دەيدى ساراپشى. ونىڭ ايتۋىنشا, قازاقستاننىڭ ستراتەگيالىق ماڭىزى مەن باسشىلىق پرينتسيپتەرىن جوعارى باعالاۋعا بولادى.
دونالد ترامپ پەن نۇرسۇلتان نازارباەۆ بىلتىر مامىر ايىندا ساۋد ارابياسىندا كەزدەستى. قازان ايىندا تەلەفون ارقىلى سويلەستى. اقش كەڭەس وداعى قۇلاعان سوڭ قازاقستاننىڭ تاۋەلسىزدىگىن العاشقىلاردىڭ ءبىرى بولىپ مويىندادى.
دايىنداعان
گۇلنۇر قۋانىشبەكقىزى,
"ەگەمەن قازاقستان"