پارلامەنت سەناتىنىڭ دەپۋتاتى سارسەنباي ەڭسەگەنوۆ اتىراۋ وبلىسىنداعى قۇرمانعازى اۋدانىندا بولدى, سونداي-اق فاريزا وڭعارسىنوۆا اتىنداعى ورتا مەكتەپتىڭ مۇعالىمدەرىمەن جانە اتىراۋ كەنتىنىڭ تۇرعىندارىمەن كەزدەستى, دەپ حابارلادى سەناتتىڭ ءباسپاسوز قىزمەتى.
س.ەڭسەگەنوۆ ءوز سوزىندە مەملەكەت باسشىسى ن.نازارباەۆتىڭ ءتورتىنشى ونەركاسىپتىك رەۆوليۋتسيا جاعدايىنداعى ەلىمىزدىڭ دامۋىنا ارنالعان جولداۋىنىڭ نەگىزگى ەرەجەلەرىن ءتۇسىندىردى. سەناتور جولداۋداعى «ادامي كاپيتال – جاڭعىرۋ نەگىزى» تۋرالى جەتىنشى مىندەتتى جۇزەگە اسىرۋدىڭ ماڭىزىنا توقتالدى.
س.ەڭسەگەنوۆ «100 ناقتى قادام» ۇلت جوسپارىندا پرەزيدەنت ءبىلىم بەرۋ جۇيەسىن الەمدەگى ۇزدىك ستاندارتتار دەڭگەيىنە جەتكىزۋ جانە باسەكەگە قابىلەتتىلىكتى ارتتىرۋ تۋرالى تاپسىرما بەرگەنىن ەسكە سالدى. سەناتور سونداي-اق جاس ۇرپاق قازىرگى زامانعى تەحنولوگيالاردى تولىق يگەرۋ ءۇشىن بارلىق مەكتەپتەردى ينتەرنەتكە قوسۋدىڭ ماڭىزدىلىعىن اتاپ ءوتتى.