قوستاناي وبلىسىندا اوك ءسۇت زاۋىتتارىنىڭ جۇمىسىن جانداندىردى

وتكەن 2017 جىلدىڭ قورىتىندىسى بويىنشا وبلىستا جاڭادان 27 اۋىل شارۋاشىلىعى كووپەراتيۆتەرى قۇرىلعان, ونىڭ 18-ءى ەت باعىتىندا, 9-ى ءسۇت باعىتىندا, بارلىعى 4300 جەكە اۋلا قوجالىقتارىن بىرىكتىرگەن. ەگەر 2016 جىلمەن قوسا ەكى جىلدىڭ كورسەتكىشىن ايتقاندا, بۇگىندە وبلىستا بارلىعى اۋىل شارۋاشىلىعى كووپەراتيۆتەرىنىڭ سانى قىرىققا جەتەدى, ونىڭ ىشىندە 25 كووپەراتيۆ ەت باعىتىندا, 15 كووپەراتيۆ ءسۇت باعىتىندا جۇمىس ىستەپ وتىر.

رەسمي مالىمەتتەر بويىنشا, ءسۇت باعىتىنداعى كووپەراتيۆتەر قىزمەتىنىڭ ناتيجەسىندە وبلىستا ءسۇت ءوندىرۋ 0,8 پايىزعا ارتقان, ءسۇت زاۋىتتارىنىڭ وندىرىستىك قۋاتىن جۇكتەۋدى 10 پايىزعا, ياعني 65 پايىزدان 75 پايىزعا دەيىن ارتتىرعان. دارحان ەسەتەمىر ۇلىنىڭ ايتۋىنشا, ەت باعىتىنداعى كووپەرتيۆتەر كورسەتكىشى بورداقىلاۋ مەرزىمى اياقتالعاننان كەيىن بەلگىلى بولادى.

وبلىستا بارلىق اۋىل شارۋاشىلىعى كووپەراتيۆتەرى مەملەكەتتىك باعدارلامالاردىڭ قاتىسۋشىلارى بولىپ سانالادى. الايدا كووپەراتيۆتەردىڭ اراسىندا جەتەۋىنىڭ اتى بار دا, زاتى جوق.

«بيىل اوك جۇمىسىن قايتا قارايمىز, ولاردىڭ اراسىندا تەك اتى بار, جۇمىس ىستەمەيتىندەرىن باعدارلامادان شىعارامىز, سان ەمەس, تەك ساپاعا عانا جۇمىس ىستەيمىز», دەدى وبلىستىق اۋىل شارۋاشىلىعى باسقارماسىنىڭ باسشىسى دارحان ابدىكارىموۆ.

ءنازيرا جارىمبەت, «ەگەمەن قازاقستان»