سەمەيدەگى دوستىق ۇيىندە, قوعامدىق ۇيىمدار مەن ەڭبەك ۇجىمدارىندا ەلباسى نۇرسۇلتان نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» تاقىرىبىندا دوڭگەلەك ۇستەلدەر, جيىندار قىزۋ تۇردە وتۋدە.
سونداي ماڭىزدى باس قوسۋلاردىڭ بىرىندە سەمەيدەگى انالار كەڭەسىنىڭ ءتورايىمى ناعيما مويىنباەۆا پرەزيدەنت ايتقان ۇزدىكسىز ءبىلىم الۋ جۇيەسى تۋرالى قاجەتتىلىككە قوعام ەندى عانا بەت العاندىعىن مىسالعا كەلتىردى.
– قازاقستاندا جاستار, بالالار عانا ەمەس, ەرەسەكتەر دە وقۋى قاجەت, - دەدى ناعيما مويىنباەۆا, - بۇل اعىلشىن ءتىلىن ءبىلۋدىڭ قاجەتتىلىگىنە ارنالىپ وتىر. مەن سوندىقتان دا ەلباسىمىزدىڭ جولداۋىندا ايتىلعان بارلىق ۇسىنىستارى قولدايمىن.
شىعىس قازاقستان وبلىستىق «ۆوزروجدەنيە» نەمىس قوعامدىق بىرلەستىگىنىڭ ءتورايىمى ليليا گونچارۋك تە سەمەيدە تۇرىپ جاتقان ۇلتتار مەن ۇلىستاردىڭ بىرلىگى جايلى ەرەكشە توقتالىپ ءوتتى.
– پرەزيدەنت ايتىپ وتكەندەي, ينۆەستورلار ءۇشىن ءوز كاسىپتەرىن دوڭگەلەتە جۇرگىزۋگە جايلى, ءتيىمدى قالا كەرەك, - دەدى ليليا گونچارۋك, - ءبىزدىڭ سەمەي «اقىلدى قالا» بولىپ, وسى جەرگە ءىرى-ءىرى بيزنەس وكىلدەرىن جيناي السا, قانداي جاقسى بولار ەدى؟! وسىنىڭ ءوزى سەمەيدىڭ دامۋىنا, ىلگەرىلەۋىنە مۇمكىندىك جاسار ەدى. الدا سەمەيدىڭ 300 جىلدىعى, استانامىزدىڭ 20 جىلدىعى كەلە جاتىر. وسىلاردىڭ بارلىعىن تولايىم تابىستارمەن قارسى الۋ ءبىزدىڭ پارىزىمىز.
راۋشان نۇعمانبەكوۆا
سۋرەت اۆتوردىكى.
سەمەي