ءماجىلىس سپيكەرى نۇرلان نىعماتۋلين فينليانديا رەسپۋبليكاسى پارلامەنتىنىڭ دەپۋتاتى, فينليانديا – ورتالىق ازيا دوستىق توبىنىڭ تەڭ توراعاسى ۆ.سكينناري باستاعان دەلەگاتسيا وكىلدەرىمەن كەزدەستى, دەپ حابارلايدى ءماجىلىستىڭ ءباسپاسوز قىزمەتى.
تاراپتار قازاقستان-فينليانديا قاتىناسىنىڭ وزەكتى ماسەلەلەرىن العا تارتا كەلىپ, قازاقستان پرەزيدەنتى نۇرسۇلتان نازارباەۆتىڭ تاياۋدا قازاقستان حالقىنا ارناعان كەزەكتى جولداۋىنا ايرىقشا نازار اۋداردى. ەلباسى ءوز جولداۋىندا مەملەكەت الدىندا تۇرعان ون باسىم باعىتقا توقتالعانىن اتاپ وتكەن پالاتا توراعاسى اسىرەسە, جاڭا تەحنولوگيالاردى ەنگىزۋ, تسيفرلاندىرۋ ماسەلەسىنە بارىنشا كوڭىل ءبولدى.
ن.نىعماتۋلين فينليانديالىق ارىپتەستەرىمەن اتالعان سالانى زاڭنامالىق تۇرعىدان قامتاماسىز ەتۋ جايىن تالقىلادى. ويتكەنى, فينليانديا يننوۆاتسيالىق دامۋ تۇرعىسىنان الدىڭعى قاتارلى ەلدەردىڭ ءبىرى. سوندىقتان ولاردىڭ زاڭنامالىق تاجىريبەسى قىزىعۋشىلىق تۋدىرادى. ءماجىلىس سپيكەرى اتاپ وتكەندەي, وسى رەتتە ىنتىماقتاستىق جونىندەگى پارلامەنتتىك توپتاردىڭ ءرولى زور.
ءوز كەزەگىندە مارتەبەلى مەيمان قازاقستان پرەزيدەنتى جولداۋىنىڭ ماڭىزدىلىعىن ايتا كەلىپ, يننوۆاتسيا, تسيفرلاندىرۋ سالالارىنداعى ورتاق ماقساتتارعا تۇيىستىرەتىن باسىم باعىتتارعا توقتالدى.
كەزدەسۋدە قوس مەملەكەت ىنتىماقتاستىعىنىڭ ستراتەگيالىق سيپاتىنا ءمان بەرلىىپ, ەكىجاقتى قارىم-قاتىناستىڭ سىندارلى دامۋىنا سەنىم ءبىلدىرىلدى.