2017 جىلى اتىراۋ قالاسى مەن قالا ماڭىنداعى سەلولىق وكرۋگتەردە تۇرعىن ءۇي سالۋ ءۇشىن ەكى مىڭعا جۋىق ۋچاسكە بەرىلدى. بيزنەس ءۇشىن 86 جەر تەلىمى ساۋداعا قويىلدى, 43 ۋچاسكە اۋكتسيوندا ساتىلدى, دەپ حابارلايدى اتىراۋ وبلىستىق وڭىرلىك كوممۋنيكاتسيالار قىزمەتى.
قازىر وبلىستا 1998-2004 جىلدارى ءوتىنىش بەرگەندەرگە جەر تەلىمى بولىنۋدە. ءجتۇ سالۋعا جەر ۋچاسكەسى ينجەنەرلىك كوممۋنيكاتسيالار جۇرگىزىلگەننەن كەيىن بەرىلەدى. وتكەن جىلى وسى ماقساتقا 6 ملرد 987 ملن تەڭگە ءبولىندى.
قالا اكىمى اپپاراتىنىڭ جەتەكشىسى سەرىك نىسانباەۆتىڭ ايتۋىنشا, قالالىق بيلىك جەرلەردى قايتارۋعا جۇمىس ىستەپ جاتىر.
– قالا اكىمى سەرىك شاپكەنوۆ وسى ماسەلەگە ايرىقشا نازار اۋدارىپ وتىر. جەر ماقساتتى پايدالاناتىن ادامدارعا عانا بەرىلۋى كەرەك, - دەدى نىسانباەۆ, - قازىر پايدالانىلماعان جەرلەردى سوت ارقىلى قايتارۋدى باستادىق, جالپى اۋدانى 11,7 گا ءۇش جەر ۋچاسكەسى مەملەكەتكە قايتارىلدى.