قۇرمەتتى قازاقستاندىقتار!
ءبىزدىڭ ەلىمىز تەرەڭ جانە جۇيەلى وزگەرىستەر داۋىرىنە ءوتتى.
ءبىز قازاقستاننىڭ جان-جاقتى جاڭعىرۋىنىڭ ءۇشىنشى كەزەڭىن جەتىستىكپەن باستادىق. مەملەكەتتىك باسقارۋدىڭ جالپى جۇيەسىنىڭ نەعۇرلىم ءتيىمدى ءارى ۇيلەستىرىلگەن جۇمىسى جانە ەلىمىزدىڭ الداعى كوپتەگەن جىلدارعا دامۋى ءۇشىن قۋاتتى الەۋەتتى قۇرعان كونستيتۋتسيالىق رەفورما وتكىزىلدى.
قازاقستاننىڭ جاڭا – ءتورتىنشى ونەركاسىپتىك رەۆوليۋتسيا الەمىندە يندۋستريالىق-يننوۆاتسيالىق دامۋى مەن جەدەلدەتىپ تەحنولوگيالىق جاڭعىرۋىنا نەگىزدەلگەن جاڭا ەكونوميكالىق ۇلگىگە ءوتۋى ءۇشىن مىقتى نەگىز قالاندى.
ەلىمىزدە ۇلتتىق سانانى جاڭعىرتۋدىڭ پروتسەستەرى كەڭىنەن باستالدى.
قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازارباەۆتىڭ كورەگەن باسشىلىعىمەن ءبىز جەتىستىگى مول مەملەكەت قۇردىق. تاۋەلسىز قازاقستان الەمنىڭ ەڭ بەدەلدى مەملەكەتتەرى مەن نەعۇرلىم تۇراقتى ەكونوميكالارىنىڭ قاتارىنا كىرەدى. ەلىمىز ءوسىم جانە جاسامپازدىق جولىمەن دامىپ كەلەدى.
پرەزيدەنتتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋى ەلىمىزدىڭ ودان ءارى جاڭعىرۋى مەن جاڭا الەمنىڭ كوشباسشىلارى قاتارىنا قوسىلۋى جونىندەگى ەلباسىمىزدىڭ ستراتەگيالىق باستامالارىنىڭ تىكەلەي جالعاسى بولىپ تابىلادى.
جولداۋدىڭ ون تۇسىنىكتى جانە ناقتى مىندەتتەرى 4.0 جاڭا تەحنولوگيالىق قالىپتىڭ بارلىق ارتىقشىلىقتارىن پايدالاناتىن قاعيداتتى تۇردە جاڭا ەكونوميكالىق ۇلگىگە ءوتۋ بويىنشا ناقتى ءىس-قيمىلدار باعدارلاماسىن قالىپتاستىرادى.
ءبىز جولداۋ مىندەتتەرىن ىسكە اسىرۋ ءوندىرىستىڭ قاعيداتتى تۇردە جاڭا سالالارىن جانە تەحنولوگيالارىن جاساۋدى, قازاقستاننىڭ ۇلتتىق ءونىمىنىڭ جانە ەكونوميكاسىنىڭ باسەكەگە قابىلەتتىلىگىنىڭ ءوسۋىن قامتاماسىز ەتەتىنىنە نىق سەنەمىز.
يندۋستريالاندىرۋ جاڭا تەحنولوگيالاردى ەنگىزۋدىڭ فلاگمانى بولۋى قاجەت. ءبىز قازاقستاندىق كاسىپورىنداردى جاڭعىرتۋ مەن تسيفرلاندىرۋدى جەدەلدەتىپ وتكىزىپ, تەحنولوگيالار ترانسفەرتىن ىنتالاندىرۋىمىز قاجەت. ءبىز ەكونوميكانىڭ وڭدەۋشى سەكتورلارىنىڭ ءونىمىن جانە جوعارى قوسىلعان قۇنى بار تاۋارلاردىڭ ەكسپورتىن قولدايتىن بولامىز.
جاڭعىرتۋ رەسۋرستىق الەۋەتتىڭ ودان ءارى دامۋىن كوزدەيدى. ءبىز ەلىمىزدە بالامالى ەنەرگيانىڭ بەلسەندى ەنگىزىلۋى مەن ونىڭ ۇلەسىن 2030 جىلعا قاراي قازاقستاندا 30%-عا دەيىن جەتكىزىلۋىن قولدايمىز.
ءبىز اگروونەركاسىپتىك كەشەن ەكونوميكالىق ءوسىمنىڭ درايۆەرى بولىپ تابىلاتىنىنا كوز جەتكىزدىك. قازىرگى زامانعى وزات تەحنولوگيالار بارلىق جەرلەردەگى اگروونەركاسىپتىك كەشەندەردە ەنگىزىلۋى ءتيىس. بۇل بەس جىل ىشىندە ەڭبەك ونىمدىلىگىن ارتتىرىپ, وڭدەلگەن اۋىلشارۋاشىلىق ءونىمىنىڭ ەكسپورتىن 2,5 ەسەگە وسىرۋگە مۇمكىندىك بەرەدى. «قازاقستاندا جاسالعان» برەند الەمدە تانىمال بولۋى قاجەت.
ءبىز جولداۋدىڭ كولىكتىك-لوگيستيكالىق ينفراقۇرىلىمنىڭ تيىمدىلىگىن ارتتىرۋ ءۇشىن اقپاراتتىق تەحنولوگيالاردى بەلسەندى ەنگىزۋ جانە تسيفرلاندىرۋ تۋرالى ەرەجەسىن تولىعىمەن قولدايمىز. بۇل 2020 جىلعا قاراي ترانزيتتەن تۇسكەن جىل سايىنعى كىرىستەردى 5 ملرد دوللارعا دەيىن جەتكىزۋگە مۇمكىندىك بەرەدى.
قازىرگى زامانعى تەحنولوگيالاردى ەنگىزۋ قۇرىلىس پەن كوممۋنالدىق سەكتوردى ساپالى جاڭا دەڭگەيگە كوتەرۋگە جول اشادى. 2030 جىلعا قاراي ءبىر تۇرعىندى تۇرعىن ۇيمەن قامتاماسىز ەتۋ 30 شارشى مەترگە دەيىن جەتەدى.
ءبىز مەملەكەت باسشىسىنىڭ بانك جۇيەسىن ودان ءارى نىعايتۋ, ينۆەستيتسيالىق احۋالدى جاقسارتۋ جانە قور نارىعىن دامىتۋ تۋرالى ۇستانىمىن تولىعىمەن قولدايمىز. قارجى سەكتورىن «قايتا جۇكتەۋ» قازاقستاننىڭ ەكونوميكاسىن جەتىستىكپەن جاڭعىرتۋدىڭ ماڭىزدى فاكتورىنا اينالادى.
جولداۋ مەملەكەت رەسۋرستارى مەن ەل دامۋىنىڭ الەۋمەتتىك-ەكونوميكالىق جاعدايلارىن ەسكەرە وتىرىپ, حالىقتىڭ ءومىر ساپاسىنىڭ جوعارى ستاندارتىن قامتاماسىز ەتۋگە باعىتتالعان.
جاڭعىرتۋ, قازىرگى زامانعى تەحنولوگيالار مەن يننوۆاتسيالار قازاقستاندىقتارعا ءبىلىم بەرۋدىڭ جانە دەنساۋلىعىن ساقتاۋدىڭ ساپالى جاڭا دەڭگەيىن تالاپ ەتەدى. ءبىز ەلباسىمىزدىڭ ءبىلىم بەرۋ جانە دەنساۋلىق ساقتاۋ سالالارىنداعى باستامالارىن تولىعىمەن قولدايمىز جانە ولاردىڭ ۋاقتىلى بولۋى مەن ناتيجەلىلىگىنە نىق سەنەمىز.
مەملەكەت باسشىسى حالىقتى الەۋمەتتىك قولداۋدىڭ تەڭدەسى جوق شارالارىن ۇسىنادى. 2018 جىلى الەۋمەتتىك سالاعا شىعىستار 12%-عا ارتىپ, 4,1 ترلن تەڭگەدەن استى. 2018 جىلعى 1 شىلدەدەن باستاپ بازالىق زەينەتاقى ورتا شامامەن 1,8 ەسە وسەدى. جالپى العاندا, مۇعالىمدەردىڭ جالاقىسى 30-دان 50%-عا دەيىن كوبەيەدى.
جولداۋدا مەملەكەتتىك باسقارۋ تيىمدىلىگىن ارتتىرۋ جانە سىبايلاس جەمقورلىققا قارسى كۇرەس بويىنشا ۇسىنىلىپ وتىرعان شارالار ەلىمىزدىڭ وڭتايلى ءيميدجىن قالىپتاستىرىپ قانا قويماي, سونىمەن بىرگە كاسىپكەرلەر ءۇشىن باسەكەلەستىككە قابىلەتتىلىگىن ارتتىرۋعا, ونىمدەردىڭ وزىندىك قۇنىن تومەندەتۋگە جانە شىعىندارىن قىسقارتۋعا ىقپال ەتەدى. ەلباسىمىز اتاپ كورسەتكەندەي, سىبايلاس جەمقورلىققا قارسى ءىس-قيمىل بويىنشا قويعان مىندەتتەرگە قول جەتكىزۋ ءاربىر قازاقستاندىقتىڭ بەلسەندى قاتىسۋىنا بايلانىستى.
ءبىز پرەزيدەنتىمىزدىڭ قازىرگى زامانعى قالالاردىڭ ينفراقۇرىلىمىن باسقارۋ مەن قىزمەت كورسەتۋ جۇيەسىنە زاماناۋي تەحنولوگيالاردى ەنگىزۋ جانە تسيفرلاندىرۋ جونىندەگى باستامالارىن تولىعىمەن قولدايمىز. «اقىلدى قالالار» قازاقستاننىڭ ناقتى احۋالىنا اينالادى.
ءبىز, دەموكراتيالىق كۇشتەردىڭ «قازاقستان-2050» جالپىۇلتتىق كواليتسياسىنىڭ مۇشەلەرى بارلىقتارىڭىزدى جانە ارقايسىڭىزدى ەلباسىمىزدىڭ باستامالارىن قولداپ, ولاردى ىسكە اسىرۋعا بەلسەندى قاتىسىپ, دامىعان قازاقستاندى بىرگە قۇرۋعا شاقىرامىز!
«نۇر وتان» پارتياسى, «اق جول» دەموكراتيالىق پارتياسى, «اۋىل» حالىقتىق-دەموكراتيالىق پارتياسى, قازاقستان كوممۋنيستىك حالىقتىق پارتياسى, «بىرلىك» ساياسي پارتياسى, قازاقستان كاسىپكەرلەرىنىڭ «اتامەكەن» ۇلتتىق پالاتاسى, «ارداگەرلەر ۇيىمى» رەسپۋبليكالىق قوعامدىق بىرلەستىگى, «رەسپۋبليكالىق ايەلدەر كەڭەسى» قوعامدىق بىرلەستىگى, «قازاقستان رەسپۋبليكاسىنىڭ كاسىپوداقتار فەدەراتسياسى» رەسپۋبليكالىق كاسىپوداقتار بىرلەستىگى, «قازاقستان رەسپۋبليكاسىنىڭ ۇلتتىق عىلىم اكادەمياسى» رەسپۋبليكالىق قوعامدىق بىرلەستىگى, «قازاقستاننىڭ ازاماتتىق اليانسى» زاڭدى تۇلعالار بىرلەستىگى, «قازاقستان رەسپۋبليكاسى قارۋلى كۇشتەرىنىڭ ارداگەرلەرى» رەسپۋبليكالىق قوعامدىق بىرلەستىگى, «قازاقستان رەسپۋبليكاسىنىڭ ۇلتتىق ينجەنەرلىك اكادەمياسى» رەسپۋبليكالىق قوعامدىق بىرلەستىگى, «قازاقستان كاسىپكەرلەرى فورۋمى» زاڭدى تۇلعالار بىرلەستىگى, «قازاقستاننىڭ كاسىپكەر ايەلدەرى وداعى» قوعامدىق بىرلەستىگى, «G-Global حالىقارالىق حاتشىلىعى» قاۋىمداستىعى» زاڭدى تۇلعالار بىرلەستىگى, «جاسىل» ەكونوميكانى قولداۋ جانە G-Global-دى دامىتۋ كواليتسياسى» زاڭدى تۇلعالار بىرلەستىگى, «قازاقستان تۇتىنۋشىلارىنىڭ ۇلتتىق ليگاسى» قوعامدىق بىرلەستىگى, «قازاقستاننىڭ ىسكەر ايەلدەرى قاۋىمداستىعى» رەسپۋبليكالىق قوعامدىق بىرلەستىگى, «قازاقستان ارداگەرلەرى» اۋعانستان سوعىسى ارداگەرلەر ۇيىمدارىنىڭ قاۋىمداستىعى, «قازاقستان ۋكرايندارىنىڭ راداسى» قوعامدىق بىرلەستىگى, «جاڭارۋ» سىبايلاس جەمقورلىققا قارسى جالپىۇلتتىق قوزعالىسى» رەسپۋبليكالىق قوعامدىق بىرلەستىگى, «قازاقستاننىڭ داعدارىس ورتالىقتارى وداعى» زاڭدى تۇلعالار بىرلەستىگى, «قازاقستان مۇگەدەكتەرىنىڭ كونفەدەراتسياسى» رەسپۋبليكالىق قوعامدىق بىرلەستىگى, قازاقستان رەسپۋبليكاسى پرەزيدەنتىنىڭ «بولاشاق» حالىقارالىق ستيپەندياسى ستيپەندياتتارىنىڭ قاۋىمداستىعى, «قازاقستان-2050» جالپىۇلتتىق قوزعالىسى, «جۇلدىز» بالالار قوعامدىق ۇيىمدارىنىڭ وداعى» قوعامدىق بىرلەستىگى, دەموكراتيالىق كۇشتەردىڭ «قازاقستان-2050» استانا ايماقتىق كواليتسياسىنىڭ مۇشەلەرى.
2018 جىلعى 12 قاڭتار, استانا