بۇگىن وبلىس اكىمدىگىندە «حالىقتىڭ ءال-اۋقاتى مەن جاعدايىن جاقسارتۋ, قاۋىپسىز ورتا قالىپتاستىرۋ» تاقىرىبىندا جيىن بولىپ ءوتتى, دەپ حابارلادى وقو اكىمىنىڭ ءباسپاسوز قىزمەتى.
ماجىلىسكە وڭتۇستىك قازاقستان وبلىسىنىڭ اكىمى ج.تۇيمەباەۆ, وبلىس پروكۋرورى ن.ءابدىروۆ جانە قر ۇقك وقو بويىنشا دەپارتامەنتى باسشىسىنىڭ ءبىرىنشى ورىنباسارى ب.قالمىرزاەۆ, قۇقىق قورعاۋ ورگان باسشىلارى, كوميسسيا مۇشەلەرى مەن وبلىستىق باسقارما باسشىلارى, ۇكىمەتتىك ەمەس ۇيىمداردىڭ جاۋاپتى تۇلعالارى قاتىستى.
ەلباسى ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىنىڭ ياعني, 8-9 باعىتىنداعى ءتيىمدى مەملەكەتتىك باسقارۋ مەن جەمقورلىقپەن كۇرەس جانە زاڭنىڭ ۇستەمدىگىنە باسا نازار اۋدارعانىن ايتقان وبلىس اكىمى تۇرعىنداردان كەلىپ تۇسكەن ارىز-شاعىمداردى دەر كەزىندە قاراپ, ازاماتتاردىڭ قۇقىقتارىن قورعاۋ ءىسىن كۇشەيتۋ قاجەتتىگىنە توقتالدى.
جيىندا ءسوز العان وبلىس پروكۋرورى وڭىردە شەشۋدى جانە الدىن الۋدى قاجەت ەتەتىن وزەكتى پروبلەمالار مەن الەۋمەتتىك شيەلەنىسكە سەبەپ بولۋى مۇمكىن تاۋەكەل وشاقتارى ناقتى شارالاردى تالاپ ەتەتىنىن اتاپ ءوتتى.
«بۇگىندە پروكۋراتۋرا تاراپىنان ولاردىڭ سەبەپتەرى مەن تۋىنداۋ كوزدەرىن انىقتاپ, تاۋەكەلدەردى جويۋ مەن پروبلەمالاردى شەشۋ ماقساتىندا ارنايى جۇمىسشى توپتاردى ءوڭىردىڭ اۋماقتارىنا جىبەرۋ وبلىس اكىمىنە ۇسىنىلىپ, قولداندى. وتكەن جىلدىڭ 4-15 جەلتوقسانىندا «قاۋىپسىز ورتا قالىپتاستىرۋ» ءىس-شاراسى اياسىندا بەكىتىلگەن 6 باعىت بويىنشا قۇرىلعان التى جۇمىسشى توپ سايرام اۋدانى مەن تۇركىستان قالاسىندا ءوز جۇمىسىن اياقتادى», - دەدى ن.ءابدىروۆ.
ايماق باسشىسى سايرام اۋدانى مەن تۇركىستان قالاسىندا وتكەن «جەرگىلىكتى دەسانت» ءىس-شاراسى ەلدى مەكەندەردەگى حالىقتار اراسىندا وڭ ناتيجەلى ءىس-ارەكەت بولعانىنا سەنىم ءبىلدىرىپ, وسى تەكتەس ءىس-شارالاردى سارىاعاش پەن ماقتارال اۋداندارىندا جالعاستىرۋدى ۇسىندى.
جوسپارعا ساي جۇرگىزىلگەن ءىس-شارالار بارىسىندا حالىق اراسىندا كۇندەلىكتى تۇرمىستىق ماسەلەلەرگە بايلانىستى پروبلەمالىق سۇراقتار زەردەلەنىپ, ولاردى شەشۋگە بارلىق جاعدايلار جاسالاتىن بولادى.
التى باعىت بويىنشا قۇرىلعان التى جۇمىسشى توپ وتكەن جىلى ءداستۇرلى ەمەس ءدىني باعىتتاعى ازاماتتاردىڭ سەنىمىن دۇرىس باعىتقا وزگەرتۋ, راديكالدىق كوزقاراستاردى جويۋ باعىتىندا جۇمىستار اتقاردى. ولارمەن قوعامدىق-ساياسي تۇراقتىلىققا اسەر ەتەتىن, ونىڭ ىشىندە ءتۇرلى قاقتىعىستارعا سەبەپ بولاتىن العىشارتتار زەرتتەلدى. ال بارلىق انىقتالعان پروبلەمالىق سۇراقتار بويىنشا ولاردى جويۋ مەحانيزمدەرى ازىرلەنىپ, جاۋاپتى مەكەمەلەرگە ورىنداۋعا بەرىلدى. سونىمەن قاتار 700 ادامنان الەۋمەتتىك ساۋالنامالار الىندى. حالىقپەن كەزدەسۋ بارىسىندا تۇرعىنداردىڭ سۇرانىستارى قاناعاتتاندىرىلىپ, كومەكتەر ۇيىمداستىرىلدى.
وتىرىستا تەرروريزمگە قارسى كۇرەس جۇمىستارىن ءارى قاراي جانداندىرۋ ماقساتىندا جاسالىنعان وبلىستىق تەرروريزمگە قارسى كوميسسيانىڭ لوگوتيپى بەكىتىلدى.