جامبىل وبلىسىنىڭ جاڭا اكىمىن تانىستىردى

وتىرىس بارىسىندا پرەمەر-مي­نيستر باقىتجان ساعىنتاەۆ مەملەكەت باسشىسىنىڭ وبلىستىق ءماسليحاتتىڭ دەپۋتاتتارىنا باعىتتالعان, جامبىل وبلىسى­نىڭ اكىمى قىزمەتىنە اسقار مىرزاحمەتوۆتى تاعايىنداۋ تۋرالى ۇسىنىسى جازىلعان حاتتى وقىپ بەردى. دەپۋتاتتار پرەزي- دەنت­تىڭ ۇسىنعان كانديداتۋراسىن ءبىراۋىزدان قولدادى.

بۇدان كەيىن پرەمەر-مي­نيستر باقىتجان ساعىنتاەۆ پەن پرەزيدەنت اكىمشىلىگىنىڭ باس­شىسى ادىلبەك جاقسىبەكوۆ جام­بىل وبلىسىنىڭ اكتيۆىمەن كەز­دەسىپ, جيىن بارىسىندا جاڭا اكىم­دى تانىستىردى.

پرەمەر-مينيستر باقىتجان ساعىنتاەۆ كارىم كوكىرەكباەۆقا بىرلەسىپ اتقارعان جۇمىس ءۇشىن العىس ايتتى. تانىستىرۋ بارىسىندا ۇكىمەت باسشىسى ب.ساعىنتاەۆ اس­قار مىرزاحمەتوۆتىڭ ءتۇرلى جاۋاپتى باسشىلىق لاۋازىم­دارداعى مول تاجىري­بەسىن اتاپ ءوتىپ, جا­ڭا باسشىلىققا مەم­لەكەت باس­شى­سىنىڭ قازاقستان حالقىنا ار­نالعان ء«تورتىنشى ونەركاسىپتىك رەۆوليۋتسيا جاعدايىنداعى دا­مۋ­دىڭ جاڭا مۇمكىندىكتەرى» جول­داۋىن ىسكە اسىرۋ بو­يىنشا بىر­قاتار ناقتى مىندەتتەر قويدى.

سونداي-اق وبلىس اكتيۆىمەن كەز­دەسۋ بارىسىندا «قازفوسفات» جشس باس ديرەكتورى, ەڭبەك ەرى مۇ­­قاش ەسكەندىروۆ, جامبىل وب­لى­سى­نىڭ قوعامدىق كەڭەس تور­اعاسى جاندار كارىباەۆ ءسوز سويلەدى.

حاميت ەسامان, «ەگەمەن قازاقستان»